नयाँ सभामुख निर्वाचित गर्न प्रतिनिधि सभाको बैठक शुरू भएको छ ।

संसद् भवन नयाँ बानेश्वरमा शुरू भएको बैठकको एक मात्र कार्यसूची अग्नि सापकोटालाई सभामुख निर्वाचित भएको घोषणा गर्ने छ ।

बैठकको शुरूमा अग्निका प्रस्तावक सुवासचन्द्र नेम्वाङले प्रस्ताव पेश गर्ने कार्ययूची छ ।

त्यसपछि अग्निका समर्थक देव गुरुङ, लक्ष्मणलाल कर्ण र ओनसरी घर्तीले समर्थन गर्ने कार्यसूची छ ।

बैठकको अध्यक्षता जेष्ठ सदस्य महन्थ ठाकुरले गरेका छन् ।

सचिवालयमा कार्यरत एक महिला कर्मचारीलाई दुर्व्यवहार गरेको आरोपमा तत्कालीन सभामुख कृष्णबहादुर महराले राजीनामा दिएपछि असोज १४ गतेयता प्रतिनिधि सभा सभामुखविहीन थियो ।

उपसभामुख डा. शिवमाया तुम्बाहाम्फेले पनि गत साता राजीनामा दिएकी थिइन् । 

हेर्नुहोस्, लाइभ :