सभामुख चयनपछि ओलीको कार्यकक्षमा हाँसोठट्टा– अग्लो हुँदा जनयुद्धमा अग्निलाई जोगाउन मुस्किल !

प्रतिनिधि सभाको बैठक सकिएलगत्तै नवनिर्वाचित सभामुख अग्नि सापकोटासहित नेकपाका शीर्ष नेताहरू संसद् भवनमै रहेको प्रधामनन्त्री केपी शर्मा ओलीको कार्यकक्षमा भेला भए । तीतो ‘ग्रीन टी’ खाएर केही मीठा कुरा भए । 

प्रधामनन्त्री ओलीले सापकोटालाई बधाई दिँदै भने– ‘तपाईंको काँधमा ठूलो अभिभारा आएको छ, भरोसा नटुटोस् ।’


Advertisement

अर्का अध्यक्ष पुष्पकमल दाहाल ‘प्रचण्ड’, संसदीय दलका उपनेता सुवास नेम्वाङ, नेकपा महासचिव विष्णु पौडेल, संसदीय दलका प्रमुख सचेतक देव गुरुङ र सचेतक शान्ता चौधरी लगायतले पनि सापकोटालाई बधाई दिए । 

त्यसक्रममा माओवादी जनयुद्धको कुरा उठ्यो ।


Advertisement

सांसद धर्मशिला चापागाईंले अग्लो भएका कारण सापकोटालाई जनयुद्धमा जोगाउन कठीन भएको अनुभव सुनाइन् ।

सापकोटाको अग्लो कदका कारण सांसद्मा बधाई थाप्ने क्रममा खादा लगाउन पनि सापकोटालाई निहुरिनुपरेको थियो । 

जनयुद्धका क्रममा ठोकर्पा भिडन्तमा आफूलाई गोली लागेको भनेर सापकोटाले संसद्को वेबसाइटमा राखिएको परिचयात्मक भिडियोमा भनेका छन् ।

आइतवार सभामुखमा सापकोटालाई समर्थन गर्ने क्रममा पूर्वसभामुख ओनसरी घर्तीले जनयुद्धका क्रममा परिवारका सदस्य गुमाएको प्रसंग सुनाएकी थिइन् ।

त्यसक्रममा सापकोटाले झापा र ओखलढुंगाका दुईवटा प्रसंग सुनाए ।

‘ओखलढुंगातिर ‘आजै मासु पकाएको, आजै पाहुना आउनुपरेको’ भनेर दुःख मान्दा रहेछन्, झापाका मान्छेचाहिँ ‘आजै मासु पाकेको, आजै पाहुना आएका’ भनेर खुशी व्यक्त गर्दा रहेछन्,’ उनले भने । 

त्यसक्रममा नेताहरूले स्थायी घर ओखलढुंगा रहेका उपप्रधामनन्त्री ईश्वर पोखरलेसँग ‘के हो उपप्रधानमन्त्रीज्यू ?’ भनेर ठट्टा समेत गरे ।

सापकोटमा सभामुखमा निर्विरोध निर्वाचित भएका हुन् ।

निर्वाचित भएर बाहिरिने क्रममा संसद् भवन परिसरमा संक्षिप्त प्रतिक्रिया दिँदै सापकोटाले संसद्को गरिमा कायम राख्ने बताएका थिए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्