सर्वोच्च अदालतले नवनिर्वाचित सभामुख अग्निप्रसाद सापकोटाको सुनुवाई न्यायाधीश सपना मल्ल प्रधानको इजलासमा पारेको छ । 

गत शुक्रवार वरिष्ठ अधिवक्ता दिनेश त्रिपाठीले सभामुख चयनको प्रक्रिया रोक्न सर्वोच्चमा रिट दायर गरेका थिए । उक्त रिटको सुनुवाई आइतवार न्यायाधीश हरि फुँयालको इजलासमा परेको थियो । 

न्यायाधीश फुँयालले यसअघि अधिवक्ताका रूपमा सापकोटाविरुद्ध परेको मुद्दामा बहस गरिसकेका हुनाले आइतवार सुनुवाई हुन सकेको थिएन । फुयाँल आफैंले रिटको सुनुवाई नगर्ने बताएका थिए । 

आइतवार रिटको सुनुवाई नभएपछि सापकोटालाई सभामुख निर्वाचित गर्न बाधा पुगेको थिएन । सभामुख सापकोटाले सोमवारै पद तथा गोपनियताको शपथ ग्रहण गर्दैछन् ।