बिपी कोइराला मेमोरियल क्यान्सर अस्पताल भरतपुरको अध्यक्षमा  डा निर्मल लामिछाने  नियुक्त भएका छन्।

मन्त्रिपरिषद्को यही माघ १३ गतेको बैठकले  वरिष्ठ मूत्ररोग विशेषज्ञ लामिछानेलाई अध्यक्षमा नियुक्त गरेको हो। उनी यसअघि अस्पतालका उपनिर्देशक भएर काम गर्दै आएका थिए।

२०७५ असोज ३ गतेदेखि अस्पतालको अध्यक्ष पद रिक्त थियो । तत्कालीन अध्यक्ष प्रकाशराज न्यौपानेको कार्यकाल सकिएसँगै अस्पताल नेतृत्व विहीन भएको थियो।

यसअघि भरतपुर महानगरपालिका प्रमुख रेनु दाहालले अस्पताल सञ्चालक समितिको अध्यक्षता गर्दै आएकी थिइन्।