नेपाली बजारमा सुनको मूल्य स्थिर देखिएको छ ।

सोमवार छापावाल सुन प्रतितोला ७६ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । आइतवार पनि छापावाल सुन सोही मूल्यमा कारोबार भएको थियो । 

सोमवार तेजावी सुन प्रतितोला ७६ हजार २ सय रुपैयाँमा कारोबार भइरहेको छ । 

यसैगरी सोमवार चाँदीको मूल्य भने केही बढेको छ ।

यसदिन चाँदी प्रतितोला ८ सय ९० रुपैयाँमा कारोबार भइरहेको छ ।  आइतवार चाँदी प्रतितोला ८ सय ८५ रुपैयाँमा कारोबार भएको थियो ।