उपभाेक्ता

मेलम्चीको २२ किमी सुरुङ खन्ने काम पुरा, हेर्नुहोस् ७ तस्बिर



काठमाडौँ, १३ पुस - उपत्यकामा मेलम्चीको पानी ल्याउन निर्माण भइरहेको सुरुङको २७ किमी मध्ये सुन्दरीजलदेखि सिन्धुसम्म ९.५ किमी सुरुङ आज ब्रेकथ्रु भएको छ । विसं २०६६ साउन १८ गते सुन्दरीजलमा तत्कालीन प्रधानमन्त्री माधवकुमार नेपालले सुरुङ खन्ने कार्यको शुभारम्भ गरेका थिए ।melamchi (2)

त्यसबेला चिनियाँ निर्माण कम्पनीले सुरुङ निर्माण गर्ने ठेक्का लिएको थियो । चिनियाँ कम्पनीले दुई वर्षसम्म योजनाअनुरुप सुरुङ खन्न नसकेपछि काम छाडेर हिँडेको थियो । पुनः ठेक्का छनोटको प्रक्रिया सुरु गरेर विसं २०७१ पुस १७ देखि इटालीको कम्पनी सिएमसीले सुरुङ खन्ने काम सुरु गरेको थियो । सिएमसीले गत असोजमा सुरुङ निर्माण गरिसक्ने सम्झौता गरेपनि भूकम्प र नाकाबन्दीले पूरा गर्न सकेको थिएन । सुन्दरीजलबाट सिएमसीले तीन हजार ५७०.२ मिटर सुरुङ खनेको हो ।melamchi (7)

सुन्दरीजलबाट सिन्धुतिर र सिन्धुबाट सुन्दरीजलतिर सुरुङ निर्माण सम्पन्न भएपछि आज सिन्धुबाट ग्याल्थुङ, ग्याल्थुङबाट सिन्धु र अम्बाथान एवम् अम्बाथानबाट ग्याल्थुङ गरी चार स्थानमा सुरुङ निर्माण भइरहेको मेलम्ची खानेपानी विकास समितिका कार्यकारी निर्देशक इन्जिनियर घनश्याम भट्टराईले जानकारी दिए । “आजसम्म २७ किमी सुरुङमध्ये २२ किमी सम्पन्न भएको छ । अब ५.५ किमी सुरुङ बाँकी छ । २०७४ असोजसम्म सुरुङ निर्माण सकेर उपत्यकामा मेलम्चीको पानी ल्याउने गरी काम भइरहेको छ”–उनले भने । सिन्धुदेखि ग्याल्थुङसम्म ७.५ किमीमध्ये २.५ किमी र ग्याल्थुङबाट अम्बाथानमा ८ किमी मध्ये ३ किमी सुरुङ निर्माण बाँकी रहेको समितिले जनाएको छ ।

आयोजना सम्पन्न गर्न एसियाली विकास बैंकले रु २४ अर्ब सहयोग गरेको छ । सुरुङ निर्माण सम्पन्न भएपछि पहिलो चरणमा दैनिक मेलम्चीको १७ करोड लिटर पानी उपत्यकामा आउनेछ । दोस्रो चरणमा याङ्ग्री र लार्के खोलाको पानी पनि यही सुरुङबाट ल्याउने गरी विस्तृत परियोजना प्रस्ताव निर्माण सुरु भएको छ । विसं २०७८ सम्म याङ्ग्री र लार्केको गरी दैनिक थप ३४ करोड लिटर पानी उपत्यकामा ल्याउने समितिको योजना छ ।melamchi (6)melamchi (4)melamchi (3)
melamchi (5)melamchi (1)



 तस्बिर : रासस  पुस १३, २०७३ मा प्रकाशित

प्रतिक्रिया दिनुहोस