मंसिर १४, २०८०
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
चालिस वर्ष पूरा हुँदा समेत लुम्बिनी गुरूयोजना पूरा हुन नसकेपनि लुम्बिनी क्षेत्रभित्र जडान गरिएका बत्तीले लुम्बिनीलाई झिलिमिली बनाएको छ ।
विश्व शान्तिका अग्रदूत भगवान गौतमबुद्धको जन्मस्थल लुम्बिनी अहिले सौर्यबत्ती र ‘गार्डेन लाइट’ ले ‘आहा! लुम्बिनी’ भन्ने हुँदै गएको छ । अब रातिमा पनि पर्यटकहरू ढुक्कसँग घुम्न पाउनेछन् । लुुम्बिनी विश्वका लाखौं बौद्ध अनुयायीहरूको प्रमुख आस्थाको केन्द्र हो ।
लुम्बिनी विकास कोषका योजना प्रमुख सरोज भट्टराईले दुई वर्षको अवधिमा लुम्बिनीलाई धपक्कै बल्ने बनाइएको लोकान्तरलाई बताए ।
‘दुई वर्षअगाडि रातिमा जंगली जनावर बँदेलको आक्रमणबाट दुई जनाको लुम्बिनी क्षेत्रभित्रै मृत्यु भयो,’ उनले भने, ‘त्यस्तै पाँच वर्ष अगाडि अँध्यारोमा लुम्बिनी क्षेत्रभित्रै महिलामाथि बलत्कारको घटना पनि बाहिर आएको थियो । अब रातिमा पनि पर्यटकहरू सजिलै लुम्बिनी घुम्न सक्छन् । बत्तीले लुम्बिनी उज्यालोमय बनेको छ ।’
लुम्बिनी क्षेत्रमा अहिले ५ सय ३३ सौर्यबत्ती र ३ सय ८० ‘गार्डेन लाइट’ जडान भइसकेका छन् । ‘गार्डेन लाइट’ इटालियन हुन् । त्यस्तै ४० किलोमिटर जमिनमुनिबाट एबिसी केबल (तार) बिच्छ्याएर लुम्बिनीमा ताररहित बनाइँदै छ । भट्टराईले थपे, ‘लुम्बिनी उज्यालो अभियान लुम्बिनी गुरूयोजनाकै ‘कम्पोनेन्ट’ हो ।’
रातिमा लुम्बिनीभित्र प्रवेश गर्नेलाई उज्यालोले मनै लोभ्याउँछ । रातिको समयमा मायादेवी मन्दिर, अखण्डा शान्तिदीप, बेबीबुद्ध, केन्द्रीय नहरमा बालिने आकर्षक बत्तीका कारण लुम्बिनी रमणीय बन्दै गएको छ । लुम्बिनीलाई उज्यालो बनाउन ३० करोड रुपैयाँ खर्चिएको छ, त्यसका लागि तार, पोल, सिस्टम तथा ट्रान्सफमर राख्ने काम शुरू भएको छ । यो बिजुली व्यवस्थापनको काम शुरू भएपछि लुम्बिनीमा बिजुलीको समस्या हट्ने छ । बाङ्गिएका, खिइएका तार पोल सबै हट्ने छन् ।
लुम्बिनी विकास कोषका निमित्त सदस्य सचिव ज्ञानिन राईले लुम्बिनीमा रातदिन झुम्न मिल्ने गरी बत्ती जडान गरिएको बताए । त्यस्तै गुरुयोजना क्षेत्रभित्र अप्टिकल फाइबर भूमिगत रूपमा बिच्छ्याउने कार्य, डाटा सेन्टर राख्ने काम पनि तीब्र गतिमा अगाडि बढेको छ । लुम्बिनीलाई सूचना प्रविधिमा पनि अब्बल बनाउनका लागि १ सय ७५ वटा अत्याधुनिक सीसीटीभी क्यामेरा जडान पनि गरिएको छ । गुरूयोजनाका चारवटा विभिन्न स्थानमा ठूलो ‘डिस्प्ले’ राख्ने काम अन्तिम चरणमा पुगेको छ । लुम्बिनीमा ६० हजार मानिसले इन्टरनेट (वाइफाई) चलाउन सकिने गरी प्रविधि जडानको काम शुरू भएको छ ।
उक्त आयोजनाको लागत २५ करोड ६४ लाख ३७ हजार रहेको छ । लुम्बिनीमा व्यवस्थित खानेपानीका लागि १ लाख ५० हजार लिटर अट्ने ‘वाटर टावर’ निर्माणको काम सकिएको छ । २१ करोड ९३ लाख २३ हजारको लागतमा निर्माण सम्पन्न उक्त टावर सञ्चालनमा आएपछि लुम्बिनीमा खानेपानीको कुनै पनि समस्या पर्ने छैन ।
लुम्बिनी गुरुयोजनाका मुख्य क्रियाकलापमध्ये पवित्र उद्यानका ४ वटा गोलाई पोखरी निर्माणको काम सकिएको छ । ४२ वटा प्लट निर्माण गरी केहीमा बगैँचा निर्माणको काम सकिएको छ भने केन्द्रीय नहर, वाटर टावर र वाटर सप्लाई सिस्टमको काम पनि सकिएको छ । लुम्बिनीमा क्यानल तथा पोखरीहरू निर्माणको काम सकिएको छ ।
सौन्दयीकरणको काम तीव्र रूपमा भइरहेको छ । ३ जोडी सिम्बोलिक पेभिलियन, केन्द्रीय नहरको दुवैतर्फ दुबोसहितको बगैँचा निर्माणको काम पनि सकिएको छ । सांस्कृतिक क्षेत्रमा संग्रहालय तथा पुस्तकालयका भवनहरू २ वटा, कार्यालय भवन र सूचना केन्द्र भवनको निर्माण पनि सकिएको छ । यी संरचनालाई पनि ठूलो आयोजनाको रूपमा लिइएको छ ।
विभिन्न पहुँच मार्गहरू कालोपत्रे तथा ट्र्याक खोल्ने कार्य सकिएको छ भने पूर्वी र पश्चिमी बिहार क्षेत्र, होटलहरू लगायतका निर्माण कार्यहरू सम्पन्न भएको भट्टराईले जानकारी दिए । अबको दुुई वर्षमा लुुम्बिनी गुुरुयोजना पूूरा हुुने विकास कोषको दाबी छ ।
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...
दाम्पत्य जीवनको मूलभूत आधार भनेको विवाह संस्कार हो । यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...