कैलालीमा अख्तियार दुरुपयोग अनुसन्धान आयोगले एक जना प्रहरी निरीक्षक (इन्स्पेक्टर) र अर्का एक जना अधिवक्ता (वकिल) लाई पक्राउ गरेको छ।

जवरजस्ती करणी सम्बन्धी मुद्दा र सार्वजनिक हितविरुद्धको मुद्दा मिलाइदिने भन्दै ५० हजार लिँदै गर्दा जिल्ला प्रहरी कार्यालय कैलाली, मुद्दाफाँट प्रहरी निरीक्षक प्रकाश कार्की र अधिवक्ता  हिमालयविक्रम विष्ट बिहीबार पक्राउ परेका हुन्।

अख्तियार कञ्चनपुरका सूचना अधिकारी टोपबहादुर विष्टका अनुसार विष्टको कानुनी परामर्श  केन्द्रमा बिहीबार दिउँसो ५० हजार घुस लिदै गर्दा उनीहरु पक्राउ परेका हुन्।