मकवानपुरको प्रतिनिधिसभा क्षेत्र नम्बर-१ को प्रदेशसभा क्षेत्र (१) बाट नेकपा माओवादी केन्द्रका उम्मेदवार प्रेमबहादुर पुलामी विजयी भएका छन् ।

बिहीबार बिहान सम्पन्न मतगणनाअनुसार पुलामी १९ हजार ७१९ मतसहित विजय बनेका हुन् ।

उनका निकटतम प्रतिस्पर्धी नेकपा एमालेका उम्मेदवार कमल विष्टले १५ हजार ४३३ मत प्राप्त गरे ।

यस्तै, राप्रपाका उम्मेदवार सागर थापाले ७ हजार ७०२ मत प्राप्त गदै तेस्रो भए ।

यससँगै मकवानपुरमा ४ जना प्रदेशसभा सदस्यको लागि भएको निर्वाचनमा सत्तारुढ गठबन्धन तर्फका उम्मेदवार ३ जना विजयी भएका छन् ।

नेकपा माओवादी केन्द्रबाट कुमारी मोक्तान, प्रेमबहादुर पुलामी (छिन्तु) र नेपाली काग्रेसबाट ईन्द्रबहादुर बानियाँ विजयी हुदाँ नेकपा एमालेबाट एकलाल श्रेष्ठ विजयी भएका हुन्  ।

यस्तै २ जना प्रतिनिधिसभा सदस्यको लागि भएको निर्वाचनमा  क्षेत्र नं २ मा  एमाले नेता महेश बर्तौला विजय भएका छन् भने क्षेत्र नं १ तर्फ मतगणना जारी छ ।