बाँकेको प्रदेशसभा निर्वाचन क्षेत्र नम्बर १(२) मा नेकपा एमालेका दुर्गाप्रसाद चौधरी विजयी भएका छन् ।

उनले १५ हजार ६५७ मत प्राप्त गरेका छन् ।

निर्वाचन आयोगले अद्यावधिक गरेको मतपरिणाम अनुसार निकटतम प्रतिद्वन्द्वी नेपाली कांंग्रेसका फूलाराम थारुले १४ हजार ७८० मत पाएका छन् ।

उनीहरूबीच ८७७ मतान्तर रहेको छ । बाँके प्रदेश क्षेत्र नम्बर १(२) मा ६५ हजार २५५ मतदाता रहेकामा ४१ हजार २४३ मत खसेको थियो । प्रतिनिधिसभा बाँके क्षेत्र नम्बर १ मा नेकपा एमालेका सूर्यप्रसाद ढकाल निर्वाचित भएका छन् ।
  
निर्वाचन क्षेत्रमा नागरिक उन्मुक्ति पार्टी, नेपाल मजदुर किसान पार्टी, जनता समाजवादी पार्टी, राष्ट्रिय जनमुक्ति पार्टी र स्वतन्त्र उम्मेदवार गरी ७ जना उम्मेदवार रहेका थिए ।