मुम्बई– आँखा झिम्याउने कलाले चर्चामा आएकी प्रिया प्रकाशले फेरि अर्को फन्डा सार्वजनिक गरेकी छिन् ।  सामाजिक सञ्जाल इन्स्टाग्राम  मार्फत सार्वजनिक उनको नयाँ भिडियो क्लिपमा उनले मोबाइल हेर्दै आफ्ना परेलालाई आकर्षक ढंगले चलायमान बनाएकी छिन् । 
भिडियो क्लिप्समा उनीसँगै डेब्यू फिल्म ‘ओरु अदार अब’ का उनको  नायक रोशन अब्दुल समेत देखिएका छन् ।  जतिजति उनको फिल्मको रिजिल मिति नजिकिँदै गरेको छ यतिनै उनी सामाजिक सञ्जालमा सक्रिय रहेको भारतीय मिडियाले उल्लेख गरेका छन् ।  फिल्म चलाउनको लागि मानिसहरुलाई इम्प्रेस  पार्ने उनको  यो फर्मुला भएको बताइएको छ । उनको  भिडियो क्लिप्स फिल्म प्रोमोशनको समयमै रेकर्ड गरिएको ठानिएको छ । 

समाचारअनुसार उनको डेब्यू फिल्म हिन्दी, तमिल र तेलेगु भाषामा रिलिज हुनेछ  ।