काठमाडौं – क्रोएसियालाई ४–२ ले हराएर विश्वविजेता बनेको फ्रान्सले पहिलो हाफमा पाएको पेनाल्टीमा विवाद उठेको छ । 

म्याचको ३८औं मिनेटमा फ्रान्सका खेलाडी एन्टोइन ग्रीजम्यानले कर्नरबाट गोल गर्न खोज्दा पेनाल्टी एरियामा क्रोएसियाका खेलाडी इभान पेरिसिचको हातमा ठोक्कियो ।

मैदानमा भएका रेफ्रीले पेनाल्टी दिएनन् । तर फ्रान्सले भिडियो असिस्टेन्ट रेफ्री (भार) को अपील गरे र भार उनीहरूको पक्षमा गयो । पेरिसिचले ह्यान्डबल गरेको ठहरियो र रेफरीले भारको सहायताले फ्रान्सलाई पेनाल्टी दिलाए ।

ग्रीजम्यानले पेनाल्टीलाई गोलमा परिणत गरेर फ्रान्सलाई २–१ ले अग्रता दिलाए । 

अनि क्रोएसियाको मनोबल घट्यो र उसले सेकेन्ड हाफमा दुई गोल खायो । 

क्रोएसियाका प्रशिक्षकले आक्रोश व्यक्त गर्दै फाइनल म्याचमा यस्तो पेनाल्टी दिन नमिल्ने बताए । पहिलो विश्वकप जित्नबाट वञ्चित क्रोएसियाका कोच ज्लात्को डालिचले भने, ‘हामीले शानदार खेल खेल्यौं तर पेनाल्टीका कारण खेल हा–यौं ।’

फूटबल पण्डितहरूले पनि उक्त ह्यान्डलिङ पेनाल्टी नै दिनुपर्ने किसिमको गम्भीर नभएको बताएका छन् ।

एजेन्सी