मंसिर २४, २०८०
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
धनगढी – हरेक निर्वाचनमा कैलालीको धनगढीस्थित सेती अञ्चल अस्पतालको स्तरोन्नतिको आश्वासन प्रमुख चुनावी एजेण्डा बन्छ । अस्पतालकै एजेण्डालाई दल तथा उम्मेदवार प्रमुख अस्त्र बनाएर चुनावी मैदानमा उत्रिन्छन् ।
गत प्रतिनिधिसभा निर्वाचनताका उम्मेदवार डा. आरजु राणा देउवा हुन् वा सांसद नारदमुनी राना । दुवैले अस्पतालकै एजेण्डालाई चुनावी एजेण्डा बनाएर प्रतिपर्धा गरे । तत्कालीन शेरबहादुर देउवा सरकारले मन्त्रीपरिषद् बैठकबाट ठाडै रुपमा ५० शैयाको अस्पताललाई स्तरोन्नति गरेर ३ सय शैयाको विस्तार गर्ने हौवा फैलायो ।
देउवा पत्नी आरजु चुनावी प्रतिस्पर्धामा रहेकाले पनि मतदातालाई प्रभावमा पार्न सरकारबाटै निर्णय गराइएको थियो । तर, प्रतिनिधिसभा निर्वाचन भएको ८ महिना पुग्दा समेत स्तरोन्नतिको विषय अस्पताल प्रशासनसम्म पुगेको छैन ।
अस्पताल प्रशासनका अनुसार निर्वाचनका बेला ३ सय शैयामा स्तरोन्नति गर्ने निर्णय भएको आधिकारिक जानकारी ८ महिना पुग्दा समेत पाइएको छैन । मंसिर २१ गते भएको प्रतिनिधि र प्रदेश सभाको निर्वाचनको मुखैमा सेती अञ्चल अस्पतालाई आफ्नो पहलमा ३ सय शैयामा स्तरोन्नति गराएको भन्दै कांग्रेस नेतृ आरजुले सार्वजनिक कार्यक्रममा नै भाषण गरेकी थिइन् ।
अस्पतालका मेडिकल सुपरिन्टेन्डेन्ट डा. सजन केसीले हल्लैहल्लामा भएको स्तरोन्नतिको अहिलेसम्म अस्पताललाई आधिकारिक जानकारी नआएको बताए । निर्वाचनताका सरकारले आचारसहिंताको उल्लंघन गरेको भन्दै आरजुका प्रतिस्पर्धी उम्मेदवार नारदमुनी रानाले ३ सय होइन, ५ सय शैयाको प्रादेशिक अस्पताल बनाउने दावी गरेका थिए ।
दरबन्दी छ, डाक्टर छैनन्
अस्पतालमा साढे ३ दशक पुरानो दरबन्दी अझै पदपूर्ति भएको छैन । अस्पतालमा १ सय ६ जनाको दरबन्दीमध्ये १२ जना विशेषज्ञसहित १८ जनाको दरबन्दी रिक्त छ । अस्पतालमा कहिल्यै विशेषज्ञ डाक्टर आउन सकेका छैनन् ।
११ औं तहका वरिष्ठ फिजिसियनदेखि बालरोग, वरिष्ठ गाइनेक्लोजिस्ट, वरिष्ठ प्याथोलोजिस्ट, ईएनटी, साइक्याट्रिक्ट (मानसिक रोग विषेशज्ञ), मुटुरोग विशेषज्ञ र डेन्टल सर्जन लगायत ९ औं र १० औं तहका १२ जना चिकित्सकको दरबन्दी खाली छ ।
अस्पतालमा प्रमुख मेडिकल सुपरिटेन्डेन्ट १ जना, प्रमुख कन्सलटेन्ट फिजिसियन १ जना, अब्स्ट्रेटिक्स तथा गाइनोकोलोजी १ जना, वरिष्ठ कन्सलटेन्ट पेडियाटिक्स २ जना, वरिष्ठ प्याथोलोजिस्ट १ जना, जनरल हेल्थ सर्भिसेज १ जना, मेडिसिन १ जना, मेडिसिन कार्डियोलोजी १ जना, जनरल डेन्टल १ जना, जनरल हेल्थ सर्भिसेज १ जनाको दरबन्दी रिक्त रहेको छ ।
जसले गर्दा अस्पतालको सेवा प्रवाह सन्तोषजनक नभएको अस्पताल प्रशासनको भनाई छ । अस्पताल प्रदेश मातहतमा आएको भन्ने जानकारी आधिकारिक रुपमा आई नपुगेका मेडिकल सुपरिन्टेन्डेन्ट डाक्टर सजन केसीले बताए ।
अस्पतालमा बिरामीको चापले गर्दा १ जना स्टाफ नर्सले ४ जना बिरामी हेर्नुपर्ने नियम भएपनि १५ देखि २० जनासम्म बिरामीलाई हेर्नुपर्ने बाध्यता अस्पतालमा छ । २०३३ सालमा स्थापना भएको सेती अञ्चल अस्पताल अहिले पनि ५० शैयाको छ । व्यवस्थापन समितिले ७५ शैया थपेर अहिले त्यो अस्पताल १ सय २५ शैयामा चलिरहेको छ ।
अस्पतालमा ४ वटा डायलासिस मेसिन छन् भने ४ शैयाको सघन उपचार कक्ष (आईसीयू) पनि छ । तर, मुटुरोग विशेषज्ञ नभएकैले अहिलेसम्म मुटुरोग विभाग नै सञ्चालन गर्न नसकिएको अस्पताल प्रशासनले जनाएको छ । रिक्त दरबन्दीमा चिकित्सक नआउनका कारण त्यहाँका वातावरण नभएको हुन सक्ने सेती अञ्चल अस्पतालका पूर्व मेसु डा. गणेशबहादुर सिंहले बताए ।
‘चिकित्सकहरू आफ्नो काम गर्ने ठाउँमा आउनुभन्दा पहिले धेरै कुरा हेर्छन्,’ डाक्टर सिंह भन्छन्, ‘जुन ठाउँमा काम गर्ने सहज वातावरण छ । अनि सरकारी अस्पतालसँगै निजीमा पनि काम गर्न खोज्छन् । निजी अस्पताल नभएर पनि आउन नचाहेका हुन् ।’
पहिलेको तुलनाका धनगढीमा धेरै निजी अस्पताल खोल्ने प्रवृत्ति बढेको र सुधार पनि भएको सिंहको भनाई छ ।
मेसु टिकाउनै मुस्किल
७ नम्बर प्रदेशमा सेती अञ्चल अस्पताललाई रिफरल अस्पतालको रुपमा लिइन्छ । पछिल्ला वर्षमा मेडिकल सुपरिन्टेन्डेन्ट (मेसु) टिकाउन मुस्किल हुने गरेको छ । २–३ वर्षको अन्तरालमा सेतीमा थुप्रै मेसु परिर्वतन भइसकेका छन् । झण्डै डेढ दशकसम्म अस्पतालमा मेसुको जिम्मेवारी सम्हालेका डा. गणेशबहादुर सिंह सेवानिवृत्त भएपछि अस्पतालको नेतृत्वमा कोही पनि लामो समय बस्न सकेका छ्रैनन् ।
सिंहपछि मेसुको जिम्मेवारी पाएका ११ औं तहका डा. बिसनसिंह बोहराले अस्पतालमा नेतृत्व गर्ने ईच्छा नै व्यक्त गरेनन् । उनको ठाउँमा आएका डा. सुर्यबहादुर गुरुङ बिदा लिएर काठमाडौं गए । तर, अस्पतालमा फर्किएनन् ।
गुरुङले छोडेपछि डा. अशोक श्रीपाईलीलाई जिम्मेवारी दिइयो । उनले पनि वर्ष दिन नपुग्दै राजीनामा दिए । हाल जिम्मेवारीमा रहेका डा. सजन केसी पनि १ वर्ष नपुग्दै भरतपुर अस्पताल सरुवा भएको कुरा बाहिर आएको छ । तर, डा केसीले भने आधिकारिक रुपमा चिट्ठी आइनपुगेका बताए ।
अस्पतालमा बेड अभाव
सेती अञ्चल अस्पतालमा बेड अभावले गर्दा बिरामीले समस्या झल्दै आएका छन् । अस्पतालमा बेड अभावले बिरामीले भुइँमा नै उपचार गर्नुपर्ने बाध्यता छ । ‘अस्पतालमा बिरामीको चाप अनुसार बेड नहुँदा बेन्चमा नै उपचार गर्नुपर्ने बाध्यता छ,’ बाल रोग वार्डका इन्चार्ज मञ्जु पौडेलले भनिन्, ‘कहाँबाट बिरामीले सहजै उपचार पाउँछन् । अस्पतालमा भएको स्रोतसाधन अनुसार हामीले काम गर्ने हो ।’
अस्पतालमा इमर्जेन्सीका लागि उपचारमा आएका बिरामीलाई बेडका समस्याले बेन्चमा नै उपचार गर्नुपर्ने बाध्यता रहेको इमर्जेन्सी इन्चार्ज कृष्ण बोहरा बताउँछन् । दैनिक डेढ सय बिरामी आउने अस्पतालमा अन्य कुनै वार्डमा ‘ट्रान्सफर’ गरौ भने कुनै वार्ड नभएपछि समस्या हुने गरेको बोहराको गुनासो छ ।
प्रदेशका स्वास्थ्य संस्था व्यवस्थापनको जिम्मा प्रदेश सरकारको मातहतमा आएसँगै अस्पताल झनै समस्यामा छ । अस्पताल विकास समिति भंग गर्दै सञ्चालन र व्यवस्थापनको जिम्मा प्रदेश सरकारको मातहतमा छ । अस्पताललाई ३ वर्ष अगाडि नै अध्ययन गरी तत्कालीन समयमा क्षेत्रीय अस्पताल बनाउनका लागि स्वास्थ्य मन्त्रालयले उपयुक्त भएको ठहर पनि गरिएको थियो ।
तर, बेड अभाव हरेक वार्डमा छ । कुनै–कुनै रोगका लागि वार्ड समेत छैनन् । ‘बेडको अभाव त छँदैछ, त्यसमा पनि नाक, कान, घाटी वार्ड समेत सर्जरीमा राख्दा बिरामीको उपचार गर्ने समस्या हुने गरेको छ,’ सर्जरी वार्डका इन्चार्ज भगवती वडालले भनिन्, ‘अभाव भएपनि बिरामीलाई फर्काएको अवस्था छैन । जसरी व्यवस्थापन गरेपनि उपचार गरेकै छौं ।’
अस्पतालका मेडिकल रेकर्डर किशोर श्रेष्ठका अनुसार सरकार र अस्पताल समिति गरी २ सय ५ शैयाको भएको छ । सरकारबाट ५० शैयाको मात्र स्वीकृत पाएको छ । प्रदेशमा मन्त्रालय खडा भएपनि अस्पतालको उपचार गर्ने शैली पुरानै रहेको बिरामीका कुरुवाको गुनासो छ ।
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...