मंसिर १३, २०८०
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
विराटनगर – विगत केही दिनदेखि झोराहाटमा जिन्दावाद र मुर्दावादको नारा लाग्दैछ । कोही भाषण गर्दै गरेका अनि कोही आफ्ना भाषणमा क्रान्ति र राजसंस्था ढाल्ने कुरा गर्दैगर्दा कतै गोली चल्छ कतै भागदौड मच्चिन्छ ।
क्रान्तिका एक पात्र हुन् बर्बरिक । बर्बरिकको समर्थनमा सबै एक ठाउँमा उभिन्छन् । हरेक सुखदुःखमा साथ दिनेदेखि राजनीति क्रान्ति सफल गर्ने अभियानमा सहयोग गर्ने गरी भएको आम नागरिकको सहयोगले बर्बरिक शक्तिशाली नेताको रुपमा चिनिन्छन् । यो झोराहाट नाट्य केन्द्रमा चलेको नाटक बर्बरिकको दृश्य हो ।
नाटक बर्बरिक हेर्न जानेको भीड छ । नाटकमा बिरामी गणेशमान सिंहलाई अस्पतालबाट आन्दोलनको नेतृत्वकर्ताको रुपमा उभ्याइएको छ भने मदन भण्डारीलाई बर्बरिकको रुपमा आन्दोलनको नेतृत्व गर्ने व्यक्तिको रुपमा देखाइएको छ । कुनै दिन बर्बरिक आफ्नै घरमा भएको बेला चारैतिर आन्दोलन उत्कर्षमा पुगेको त्यो क्षणमा प्रहरी उनकै घरमा आइपुग्छ ।
ढोका ढक्ढक्को आवाजले अप्ठ्यारोमा परेका उनलाई एउटी बच्चा जन्माउने महिलाको रुपमा नाटकमा देखाइएको क्षणमा दर्शकले हाँसो थाम्न सकेनन् । प्रहरी घरभित्र प्रवेश गर्दा बर्बरिकलाई महिलाको कपडा लगाएर बच्चा पाउन लागेको अवस्थामा उभ्याइएको छ ।
त्यो दृश्यको एकैछिनमा राजा विरेन्द्रको भूमिका पनि बर्बरिक नाटकमा देख्न सकिन्छ । राजा विरेन्द्रको भूमिकामा देखिएका कलाकारले त्यो बेलाको आन्दोलनका कुरालाई जस्ताको त्यस्तै उतार्ने प्रयास गरेका छन् ।
आन्दोलनको विषय जनतासँग जोडिएकाले राजा विरेन्द्रलाई सकारात्मक रुपमा उभ्याइएको छ भने रानीलाई जनताको विरोधीको रुपमा नाटकले चित्रण गर्न खोजेको छ । ताप्लेजुङदेखि विराटनगर अनि विराटनगर हुँदै सिरहा र काठमाडौंको दृश्यलाई नाटकमा देखाइएको छ ।
नेकपाका नेता प्रदिप नेपालले लेखेको उपन्यास बर्बरिकको नाट्य रुपान्तरण झोहाराट नाट्य केन्द्रका अध्यक्ष भरत गुरागाईले १ बर्ष अघि नै गरेका हुन् । लेखकसँगको अनुमति लिएर नाटकलाई ढाँचा दिएको बताएका गुरागाईले झोहाराटमा सफल भएको नाटकलाई अबको १५ दिनपछि काठमाडौंमा पनि देखाउन लागिएको बताए ।
गुरागाईले भने, ‘इतिहासको खोजी जुन रहश्यको रुपमा रहेको छ, त्यो बाहिर ल्याउने उद्देश्य नाटकले बोकेको छ ।’
कलाकारका उस्तै हुलिया
जिन्दावाद र मुर्दावादको नाराबाट शुरू हुने नाटक बर्बरिकमा विभिन्न कलाकारको हुलिया नाटकमा देखाइने पात्रसँग मिलाउन खोजिएका छन् । नाट्य रुपान्तरण गरेका भरत गुरागाईले बर्बरिक अर्थात् मदन भण्डारीको भूमिका निभाएका छन् भने राजा विरेन्द्रको भूमिकामा हुबहु प्रस्तुत भएका छन् कलाकार प्रयाग न्यौपाने ।
दिपा पोखरेललाई दिइएको विद्या भण्डारीको भूमिका उनले दर्शकलाई मोहित पार्ने गरी निभाएकी छिन् । नाटकमा सुदिप कार्कीलाई एउटा लेखक पत्रकारको रुपमा उभ्याइएको छ । उनको भूमिका नाटक अवधिभर लेखनको माध्यमबाट भित्रि कुरा बाहिर ल्याउने र आन्दोलनलाई सघाउने खालको देखिन्छ ।
अर्को पात्रमा डिबी बस्नेत देखिएका छन् । उनको भूमिका जर्नेलको रहेको छ । दिव्यालाई चिया पसलकी साहुनीको रुपमा देख्न पाइन्छ भने दिक्षा चौधरीलाई रानीको रुपमा देखाइएको छ । बर्बरिकको बरगाछीको एउटा घरमा देखाइन्छ, त्यो घरमा अनु श्रेष्ठलाई देखाइन्छ । उनको त्यहाँ लेखक पत्रकारको काकीको भूमिका निभाउन लगाइएको छ ।
नाटकको अन्त्य वियोगान्त
नाटकमा राजासँगको भेटपछि चुपचाप बाहिरिएका बर्बरिक कहाँ जान्छन् कसैले थाहै पाउँदैनन् । आन्दोलन र जनताको पक्षमा कडा देखिएका बर्बरिकलाई विभिन्न समयमा विभिन्न नामले बोलाएको पाइन्छ ।
राजा विरेन्द्र सकारात्मक देखिएपनि रानीको भूमिकालाई पनि नाटकमा देखाइएको छ । जहाँ रानीको भूमिका बर्बरिकलाई सिध्याउने खालको देखिन्छ । उनलाई जर्नेलले सहयोग गरेका छन् । जब जर्नेलले बर्बरिकलाई सिध्याइदिने अभिव्यक्ति दिन्छन्, अनि नाटक शोेकमा बदलिन्छ ।
एकाएक शव डङ्रङ्ग ढलेको बेला सबै स्तब्ध हुन्छन् । सबैले पाएको एउटा अभिभावक गुमाएको महसुस गर्छन् । कसरी बर्बरिकको मृत्यु हुन्छ ? त्यो कसैले पत्तोसम्म पाउँदैनन् । उनको शवलाई उठाइरहँदा दर्शकका आँखाबाट आँशु खसेका देखिन्छ । नाटकमा देखिइएको एउटा कथा दर्शकलाई रुवाउँदै अन्त्य हुन्छ ।
मदनको ४० देखि ५० सालको झल्को
यसरी नाटक हेरेका जो कोहीले नाटकलाई जीवन्त बनाउने प्रयास गरेको प्रतिक्रिया दिएका छन् । नाटकमा २०४० देखि ५० सालको बिचमा भएका घटनाक्रमलाई देखाइएकाले नाटकमा मदनका गतिविधिलाई देखाउन खोज्नु अत्यन्त राम्रो भएको बताएका छन् ।
नाटक हेरेपछि प्रतिक्रिया दिँदै दिनेश श्रेष्ठले भने, ‘नाटक धेरै राम्रो रहेको छ, नाटकले एउटा इतिहास बोकेको छ ।’ नाटक हेर्न भोजपुरबाट आएका मणि प्रधान र तनहुँबाट आएका राम श्रेष्ठले नाटकले मदन भण्डारीको जीवन भोगाइ मात्र हैन, एउटा कालखण्डको अवस्थालाई जस्ताको त्यस्तै देखाएको बताए ।
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् । निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ । उ...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...