कात्तिक २४, २०८०
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
पुस १६, २०७५
काठमाडौं– स्नातकोत्तर तहमा प्रथम श्रेणी (फर्स्ट डिभिजन)मा पास भएका व्यक्तिले शिक्षण पेसामा पहिलो प्रथामिकता पाउने भएका छन् ।
जुनसुकै संकायमा अध्ययन गरेको भएपनि स्नातकोत्तर तह प्रथम श्रेणीमा पास भएका व्यक्तिले शिक्षक अनुमति (लाइसेन्स) परीक्षा नदिइ माध्यमिक तहको शिक्षक बन्न पाउने व्यवस्था गरिँदै छ ।
सामुदायीक विद्यालय शिक्षामा लगानी गरे अनुरुप प्रतिफल आउन नसकेको भन्दै आलोचना भइरहँदा सरकारले स्नातकोत्तर तहमा प्रथम श्रेणी ल्याउनेलाई सहज रुपमा शिक्षक बन्न पाउने अवसर दिन लागेको हो ।
शिक्षा क्षेत्रको सुधारका लागि सरकारलाई सुझाव दिन बनेको उच्चस्तरीय शिक्षा आयोगले प्रथम श्रेणीमा पास भएकालाई शिक्षण पेसामा आकर्षित गराउन नयाँ व्यवस्था गर्नुपर्ने सुझावसहितको प्रतिवेदन सरकारलाई बुझाउँदै छ ।
शिक्षकको तलब कर्मचारीको भन्दा १० प्रतिशत बढी
शिक्षण पेसा प्राविधिक पेसा भएकाले शिक्षकहरुको तलब र सुविधा प्राविधिकको जस्तै हुनुपर्ने आयोगको ठहर छ । आयोगले शिक्षकको तलब सुविधा सरकारी कर्मचारीको भन्दा १० प्रतिशत बढाउने व्यवस्था गर्नुपर्ने सुझावसहितको प्रतिवेदन सरकारलाई बुझाउँदै छ । कर्मचारीको भन्दा १० प्रतिशत तलब वृद्धि गरेमा उच्च अंक ल्याउनेहरु शिक्षण पेसामा आकर्षित हुने आयोगको विश्वास छ ।
शिक्षा क्षेत्रको अवस्थाको अध्ययन गरी सुधारका लागि सुझाव दिन बनेको समितिले उक्त व्यवस्थासहितको प्रतिवेदन सरकारलाई पुस २२ गतेभित्र बुझाउने तयारी गरेको छ ।
बढ्ला शैक्षिक गुणस्तर ?
अहिले शिक्षाशास्त्र संकायमा पढ्ने अधिकांश विद्यार्थीहरु एसईई परीक्षामा सबैभन्दा तल्लो ग्रेड ल्याउनेहरु रहेका छन् । माथिल्लो ग्रेड ल्याउनेहरुले विज्ञान, व्यवस्थापन संकाय अध्ययन गर्ने र तल्लो ग्रेण ल्याउनेले मात्र मानविकी र शिक्षा शास्त्र संकाय अध्ययन गर्ने गरेका छन् । एसईईमा कमजोर ग्रेड ल्याउनेले विज्ञान, व्यवस्थापन लगातका शंकाय पढ्न पाउँदैनन् ।
शिक्षक बन्नका लागि शिक्षा शास्त्र संकाय वा एक वर्षे स्नातक अनिवार्य छ । शिक्षकको अनुमतिपत्रका लागि यस्तो व्यवस्था गरिएको हो । अन्य शंकायमा अध्ययन गर्नेहरुले पनि एक वर्षे स्नातक गर्ने गरेका छन् । तर शिक्षा शंकाय अध्ययन गर्नेहरु अहिलेको एसईईमा कमजोर ग्रेण ल्याउनेहरु नै धेरै हुने गरेका छन् ।
शिक्षा संकायका मात्र शिक्षक बन्दा नेपालको शैक्षिक गुणस्तरमा सुधार हुन नसकेको भन्दै सरकारले स्नातकोत्तरमा उच्च अंक ल्याउनेलाई पनि शिक्षण पेसामा आकर्षित गर्नुपर्ने शिक्षा विद्हरुको तर्क छ ।
प्रथम श्रेणीमा स्नातकोत्तर पास गरेकाहरु शिक्षण पेसामा आउँदा शिक्षण सिकाइ प्रभावकारी हुने शिक्षाविद्हरु बताउँछन् । यद्पी उनीहरुलाई शिक्षक सेवा अनुमति परीक्षा नलिएपनि शिक्षा शास्त्र संकायले तोकेको मापदण्ड अनुसारको तालिम भने दिनुपर्ने शिक्षाविद् मन प्रसाद वाग्ले बताउँछन् ।
‘स्नातकोत्तर प्रथम श्रेणीमा पास हुनेलाई लाइसेन्स नभए पनि पढाउन पाउने भनिएको छ, हाम्रो एजुकेसन खत्तम भइसकेको छ, त्यसैले यो एकप्रकारले राम्रो हो,’ शिक्षाविद् वाग्लेले लोकान्तरसँग भने, ‘तर प्रथम श्रेणी मात्रै आएर पढाउन सक्छन् भन्ने हुँदैन,उनीहरुलाई शिक्षाशास्त्र संकायले तोकेको मापदण्डमा रहेर तालिम चाहिन्छ । सुविधा पनि दिने तालिम पनि दिने गरेर ल्याउन सकिन्छ ।’
अहिले शिक्षण पेसामा रहेका धेरै शिक्षकहरुको पढाउने विषयवस्तु र क्षमतामा समस्या रहेको भन्दै वाग्लेले उच्च अंक ल्याउने व्यक्तिहरु शिक्षण पेसामा आउँदा नेपालको शिक्षामा सुधार हुने दाबी गरे ।
वाग्लेले भने, ‘अहिले शिक्षण पेसमा रहेका धेरै शिक्षकको विषयवस्तुमा समस्या देखिएको छ, राम्रो अकं ल्याउनेहरुलाई तालिम दिएर शिक्षण पेसामा ल्याउन सकेमा नेपालको शिक्षा गुणस्तर हामीले सोचे भन्दा पनि बढी सुधार हुनसक्छ ।’
विद्यालय तहको संरचनाअनुसार कक्षा ९ देखि १२ सम्मलाई माध्यमिक तहमा राखिएको छ । हाल नेपालभर कक्षा ९ र १० सम्म ९ हजार ४ सय ४७ विद्यालय छन् भने कक्षा ११ र १२ को समेत पढाइ हुने विद्यालय ३ हजार ७ सय ८१ छन् । माध्यमिक तहमा करिव १४ लाख विद्यार्थीहरु र उनीहरुलाई पढाउने ६४ हजार शिक्षक रहेको शिक्षा मन्त्रालयको तथ्यांक छ ।
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...
नेपालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...