काठमाडौं –सिटिजन्स बैंक इन्टरनेसनल लिमिटेडले पुस २६ गते प्रदेश नम्बर ३ को प्रादेशिक कार्यालय आफ्नै सुविधा सम्पन्न भवन काठमाडौंको डिल्लीबजारमा उद्घाटन गरेको छ ।

एक भव्य समारोहबीच बैंकका सञ्चालक समितिका अध्यक्ष डा. शंकरप्रसाद शर्माले ताम्रपत्र अनावरण गरी प्रादेशिक कार्यालयको उद्घाटन गरेका छन् ।

प्रदेश नम्बर ३ अन्तर्गत काठमाडौं उपत्यकाभित्र २६ र उपत्यका बाहिर ८ वटाबाट गरी ३४ वटा शाखाबाट व्यापार विस्तारका साथसाथै शाखासँगको समन्वय, निगरानी, संस्थागत सुशासन, जोखिम व्यवस्थापन एवम गुनासो सुनुवाईजस्ता कार्यहरू प्रादेशिक कार्यालयले छिटो, छरितो, चुस्त र दुरुस्त रूपमा सम्पादन गर्ने विश्वास बैंकले लिएको छ ।

प्रदेश नम्बर ३ मा रहेका १४ जिल्लामध्ये ९ वटा जिल्लामा बैंकको पहुँच रहेको छ । प्रदेशमा बैंकले करीब २ लाख ६० हजार ग्राहकलाई  बैंकिङ सेवा प्रदान गर्दै आएको छ । प्रदेश न ३ मा बैंकले करिव ५७ अर्ब निक्षेप परिचालन गरी  ४५ अर्ब कर्जा प्रवाह गरेको छ ।

नेपालको संविधान २०७२ ले नेपाल राज्यको संरचना ः संघ, प्रदेश र स्थानीय गरी तीन तहमा हुने व्यवस्था गरेको छ । यी तीन तहको सहकारिता, सह–अस्तित्व र समन्वयको सिद्धान्तलाई आत्मसाथ गर्दै प्रादेशिक कार्यालयको स्थापना गरिएको हो ।

यस अगावै बैंकले प्रादेशिक कार्यालयहरु प्रदेश नं १ को विराटनगरमा, प्रदेश नं २ को बीरगंजको आदर्शनगरमा, प्रदेश नं ४ को पोखराको सिमलचौरमा, प्रदेश नं ५ को नेपालगंजमा, र प्रदेश नं ६ को सुर्खेतमा, प्रदेश नं ७ को धनगढीमा स्थापना गरिसकेको छ । नियमनकारी निकायको निर्देशनलाई शिरोधार्य गर्दै बैंकले सात वटै प्रदेशमा प्रादेशिक कार्यालयहरुको स्थापना गरिसकेको छ ।

नेपाली जनताको घरदैलोमा बैंकिंग सेवा पु¥याँउदैै आएको यस सिटिजन्स बैंक इन्टरनेसनल लिमिटेडले देशैभरी फैलिएका आफ्ना ८१ वटा शाखा, ७५ वटा ए.टि.एम. र ९९ वटा शाखा रहित बैंकिङ एकाईहरुबाट करिव चार लाख  ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ । 

आफ्नो ग्राहकवर्गहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैंकास्योरेन्स, आस्वा, ड्राफ्ट, भिसा एटीएम कार्ड सेवा, भिसा इन्टरनेसनल डलर कार्ड सेवा, साथै कुनै पनि शाखाबाट रकम झिक्न र राख्न सकिनेजस्ता सुविधाहरु पनि उपलब्ध गराउँदै आएको छ ।