पिकनिक जान लागेको बसको ठक्करले किशोरको मृत्यु

पुस २७, २०७५

पोखरा – तनहुँको बन्दीपुरमा ग१ख ४६५८ नम्बरको बसको ठक्करबाट १ किशोरको शुक्रवार मृत्यु भएको छ । 

मृत्यु हुनेमा बन्दीपुर–४ पिप्लेका १५ वर्षीय विश्वास थापा रहेका छन् ।


ADVERTISEMENT

बन्दीपुरको भित्रि सडकखण्डमा ३१ वर्षीय बलक थापाले चलाएको बस ब्याक गर्ने क्रममा विश्वासलाई ठक्कर दिई घाइते बनाएकोमा घाइतेको उपचारार्थ बन्दीपुर अस्पताल लगिएकोमा चिकित्सकले मृत घोषणा गरेका थिए ।

बसमा बन्दीपुरमा पिकनिक खान जान लागेका यात्रु थिए । घटनाको अनुसन्धान भइरहेको प्रहरीले जनाएको छ ।

पुस २७, २०७५ मा प्रकाशित

प्रतिक्रिया दिनुहोस