काठमाडौं — जिउमा ५०० भन्दा बढी फोका निस्केको एक अजिंगरको उपचार गरेर ती फोकाहरू निकालिएपछि ऊ कमजोर भएको र उसमा रक्ताल्पता आएको अस्ट्रेलियाका पशुचिकित्सकहरूले बताएका छन् । 

सर्प समात्नेहरूले गत साता क्वीन्सल्यान्डको गोल्ड कोस्टमा रहेको एक स्विमिङ पूलमा अजिंगर फेला पारेर उद्धार गरेका थिए । 

अजिंगरको नाम नाइक राखिएको थियो र उसलाई निकै संक्रमण भएको पशुचिकित्सकहरूले बताए । 

‘फोकाका कारण उसलाई हिँडडुल गर्न समस्या भएको हुन सक्छ र फोका फैलिँदै गएको हुन सक्छ,’ करम्बिन पशु चिकित्सालयले एक वक्तव्य जारी गर्दै जनायो । 

पशु सेवा संस्थाले अजिंगरलाई आगामी महिनामा जंगलमा छोडिदिने आशा गरेको जनाएको छ । 

अजिंगरलाई अनुभवी चिकित्सकको रेखदेखमा राखिएको अस्पतालले जनायो । 

‘निकलाई अझै समस्या छ तर ऊ पूर्ण रूपमा निको हुने कुरामा हामी आशावादी छौं,’ उक्त गैरनाफामूलक संस्थाले बतायो । 

फोकाहरूले रक्ताल्पता ल्याउन सक्छन् किनकि तिनले जनावरको रगत पिइदिन्छन् । 

बीबीसीबाट