काठमाडौं– जिल्ला अदालत काठमाडौंमा कार्यरत डिठ्ठा (खरिदार) विदुर पोखरेलविरुद्ध विशेष अदालतमा भ्रष्टाचार मुद्दा दर्ता भएको छ । 

डोर खटी बण्डा मुचुल्का बनाउनको लागि सेवाग्राहीसँग १० हजार रुपैयाँ घुस मागेको अवस्थामा पक्राउ परेका पोखरेलविरुद्ध सोमवार विशेष अदालतमा मुद्दा दायर गरेको हो । 

पोखरेलले सेवाग्राहीसँग घुस रकम माग गरिरहेको भन्ने सूचना एवम् उजुरीको आधारमा अख्तियार दुरुपयोग अनुसन्धान आयोगले उनलाई घुस रकमसहित नियन्त्रणमा लिएको थियो । 

अख्तियारले पोखरेलविरुद्ध १० हजार रुपैयाँ बिगोसहित जरिवना र कैद सजाय माग गर्दै सोमवार भ्रष्टाचार मुद्दा दायर गरेको हो ।