काठमाडौं — अस्ट्रियाको पश्चिमी शहर लेकनजिक स्कीइङ गरिरहेका तीन जर्मन स्कीयरहरूको हिमपातमा परी मृत्यु भएको छ । अर्का एक स्कीयर बेपत्ता भएका छन् ।

जर्मनीको समाचार एजेन्सी डीपीएले अस्ट्रियाली अधिकारीहरूलाई उद्धृत गर्दै आइतवार यो खबर दिएको हो । 

डीपीएका अनुसार, स्कीयरहरू त्यो बाटो भएर गएका थिए । खासमा त्यो बाटो खतराका कारण बन्द गरिएको थियो तर उनीहरू त्यहाँ जबर्जस्ती गए । 

बेपत्ता स्कीयरकी पत्नीले शनिवार राति फोन गरेपछि अस्ट्रियाली अधिकारीहरूले खोजी अभियान शुरू गरे । दक्षिण जर्मनीमा बस्ने चौथा स्कीयरको खोजी भइरहेको हो । 

एजेन्सी