काठमाडौं — एकजना जी७ राष्ट्रका प्रधानमन्त्री हुन् भने अर्का चाहिँ बिहेमा गीत गाउने व्यक्ति । तर उनीहरूको अनुहारमा समानताले अफगानिस्तानको एक टीभी ट्यालेन्ट प्रतियोगितामा असर पारेको छ । 

अब्दुल सलाम मफ्तून उत्तरपूर्वी अफगानिस्तानमा बस्छन् र उनी क्यानडाका प्रधानमन्त्री जस्टिन ट्रुडोको जस्तो अनुहारका कारण प्रसिद्ध भएका छन् । 

मफ्तून अफगान स्टार नामक गीति प्रतियोगितामा भाग लिइरहेका छन् । 

प्रतियोगिताका एक निर्णायकले उनीहरूबीचको समानताको संकेत गरे । मफ्तून अहिले अन्तिम आठ प्रतियोगीमा परेका छन् । 

‘मलाई सामाजिक सञ्जालमा तस्वीर नहेरुन्जेल जस्टिन ट्रुडोको बारेमा केही पनि थाहा थिएन,’ मफ्तूनले एएफपी समाचार संस्थालाई बताए । 

‘अनुहारको समानताले मलाई प्रतियोगिता जित्न ५० प्रतिशतले सम्भावना बढाएको छ ।’

अफगानीहरूले यी दुईको तस्वीरको तुलना गरेर अन्लाइनमा अनेकौं पोस्ट गरेका छन् ।

अफगान स्टार अफगानिस्तानको लोकप्रिय टीभी शो हो । सन् २००५ मा शुरू भएको यो शोले तालिबानको अन्त्यको चार वर्षपछि मौका पायो । 

त्यतिखेरैदेखि लडाकू समूह तालिबानले शो गैरइस्लामी भएको बताउँदै बन्द गर्नका लागि धम्की दिइरहेको छ ।

बीबीसीबाट