धनगढी— धनगढीमा जारी खप्तड गोल्डकप फुटबल प्रतियोगितामा बुधबारबाट सेमिफाइनलका खेल शुरु हुँदैछन् । पहिलो सेमिफाइनल खेलमा आज थ्रिस्टार क्लबले मेचि नेत्रालय काकँडभिट्टा फुटबल ट्रेनिङ सेन्टरसँग प्रतिस्पर्धा गर्नेछ ।

धनगढीस्थित क्षेत्रीय रंगशालामा मंगलबार भएको क्वाटरफाइनलमा जित निकाल्दै संकटा क्लब सेमिफाइनलमा प्रवेश गरेको छ । क्यामरुनको दाफिनास एफसी क्लबलाई १—० गोल अन्तरले पराजित गर्दै संकटा अन्तिम चारमा प्रवेश गरेको हो । संकटाले बिहीवार फाइनल प्रवेशका लागि विभागिय टोली नेपाल पुलिस क्लबको सामना गर्नेछ ।