काठमाडौं– नेपाली सेनाले विकास निर्माणका काममा प्रयोग गर्न उत्पादिन विस्फोटक पदार्थको उत्पादन क्षमता तेब्बर बनाउने भएको खबर आजको राजधानी दैनिकमा छापिएको छ । 

सेनाले विस्फोटक पदार्थको माग बढेपछि उत्पादन क्षमता तेब्बर बनाउने तयारी अघि बढाइसकेको छ । हाल सेनाले मकवानपुरको सुनाचुरीमा रहेको इमल्सन प्लान्टमार्फत विस्फोटक पदार्थ उत्पादन गर्दै आएको छ । 

विकास निर्माणका काममा सेना आफै संलग्न हुन थालेपछि र विभिन्न कन्ट्रक्सन कम्पनीमार्फत माग बढ्न थालेपछि सेनाले वार्षिक १२ सय मेट्रिकटन उत्पादन क्षमता रहेको विस्फोटक पदार्थलाई ३ हजार ६ सय मेट्रिकटन पुर्याउन लागेको हो ।