विराटनगर – १ नम्बर प्रदेशको प्रदेश सभाको हिउँदे अधिवेशन आगामी माघ २० गतेदेखि शुरू हुने भएको छ ।

बुधवार बसेको प्रदेश मन्त्रिपरिषद बैठकले माघ २० गतेदेखि अधिवेशन आह्वान गर्ने निर्णय गरेको सरकारका प्रवक्ता तथा आन्तरिक मामिला तथा कानूनमन्त्री हिक्मत कार्कीले बताए ।

प्रदेश सभाको यो तेस्रो अधिवेशन हो । प्रदेशको बैठक लामो समयदेखि बस्न सकेको थिएन ।

मन्त्रिपरिषद् बैठकले ८ वटा विभिन्न निर्णय गरेको छ । विभिन्न मन्त्रालयका कार्यविधि र निर्देशिका एवं विधेयकका विषयमा मन्त्रिपरिषद्ले निर्णय गरेको मन्त्री कार्कीले बताए ।

बैठकबाट सुनसरीमा ‘रिफ्रेस सेन्टर’ बनाउनका लागि बजेट समेत आवश्यक रुपमा विनियोजन गरेको छ । लामो समयदेखि प्रदेशको मन्त्रिपरिषद् बैठक समेत बसेको थिएन ।