काठमाडौं– बाँके प्रहरीले हत्या घटनाका संदिग्ध आरोपीलाई पक्राउ गर्न एक राउन्ड गोली चलाएको छ । 

नेपाल प्रहरीमा भर्ना हुन आएका एक व्यक्तिको हत्यामा संलग्न भएको आशंकामा एक व्यक्तिलाई पक्राउ गर्न प्रहरीले गोली चलाएको छ । 

इलाका प्रहरी कार्यालय कोहलपुरका डीसपी रमेशबहादुर सिंह नेतृत्वको टोलीले बाँके–बर्दिया सीमा नजिक गोली प्रहरी गरी एकजनालाई पक्राउ गरेको हो । 

पक्राउ पर्नेमा युवराज गिरी छन् ।  गिरीलाई सुर्खेतका दीपकसिंह ठकुरीको हत्यासम्बन्धी घटनाको अनुसन्धानका लागि पक्राउ गरिएको हो । 

प्रहरीमा भर्ना हुन सुर्खेतबाट कोहलपुर पुगेका ठकुरीको २६ माघमा कोहलपुरमा हत्या भएको थियो । 

प्रहरीले ठकुरीको हत्यामा संलग्न रहेको आशंकामा गिरीको खोजी गरिरहेको थियो ।