काठमाडौं — अमेरिकाका जासूसी अधिकारीहरूले जमीन, हावा, समुद्र, अन्तरिक्ष र साइबरस्पेसबाट आक्रमण गर्ने उच्च क्षमतायुक्त सेना बनाइरहेको बताएका छन् । 

चीनका नेताहरूले देशलाई अत्यधिक शक्तिशाली बनाउने उद्देश्यले सेनाको आधुनिकीकरणमा जोड दिएको अधिकारीहरूको भनाइ छ । 

वाशिङटनमा पेन्टागन पत्रकार सम्मेलनमा वरिष्ठ रक्षा विश्लेषक डेन टेलरले भने, ‘विगत एक दशकमा चीनले अदनको खाडीमा समुद्री लुटेराहरूलाई सिध्याउनका लागि सेना पठायो । त्यसबाहेक उसले पूर्व र दक्षिण चीन सागरमा

सेनाको उपस्थिति बढाएको छ । चीनको पीपुल्स लिबरेसन आर्मीले शक्तिप्रदर्शन गर्न चाहेको छ । 

अमेरिकी विश्लेषकका अनुसार, पीएलएको उपकरण र क्षमतामा वृद्धि गरिँदैछ । यसको उद्देश्य विश्वव्यापी सुरक्षा कारणलाई ध्यानमा राखेर युद्ध लड्ने तागत बढाउनु हो । 

टेलर भन्छन्, ‘भविष्यमा पीएलएले परमाणु ऊर्जा, साइबरस्पेस, अन्तरिक्ष र इलेक्ट्रोम्याग्नेटिक स्पेक्ट्रमलाई पनि ध्यान दिनेछ । त्यसबाहेक चीनले गैरयुद्ध क्षेत्र जस्तै मानव सहयोग, विपत राहत, शान्ति मिसनका लागि पनि क्षमता विकसित गरिरहेको छ । पीएलएलाई अन्य देशको सेनाको तुलनामा प्राविधिक रूपमा बढी राम्रो बनाउने प्रयास भइरहेको छ ।

चीनले मध्यम र लामो दूरीका स्टील्थ बम्बरहरू पनि बनाइरहेको छ । क्षेत्रीय र अन्तर्राष्ट्रिय देशलाई काबुमा राख्ने उसको उद्देश्य हो । सन् २०२५ सम्म यस्ता विमान सञ्चालनमा आउनेछन् । 

एक्काईसौं शताब्दीको शुरूआती दशकमा अन्तर्राष्ट्रिय रणनीति बनाउनमा चीनले जोड दिँदैछ । आफूलाई शक्तिशाली बनाउने उसको मिसनको केन्द्र सेनाको सबलीकरण नै हो । 

एजेन्सी