काठमाडौं– काठमाडौंको गोंगबुस्थित एक सिसा फ्याक्ट्रीमा आगलागी हुँदा ५ जना घाइते भएका छन् । घाइतेमध्ये ४ जना गम्भीर रहेको प्रहरीले जनाएको छ । 

घाइते ३ जनाको झापासीस्थित ग्राण्डी अस्पताल र २ जनाको त्रिवि शिक्षण अस्पतालमा उपचार भइरहेको छ । 

मजदुरहरु खाना खाने बेलामा नमस्ते कम्पनीको खाना पकाउने (एलपी) ग्यासको सिलिन्डर बिस्फोट भएको महानगरीय प्रहरी प्रभाव गोंगबुले जनाएको छ । 

प्रहरीका अनुसार घाइते हुनेमा राजु बिसी, कैलाश श्रेष्ठ, काजी तामाङ, अनिल पोखरेल र रेशम तामाङ छन् ।