काठमाडौं– जनवरी २६ र २७ तारिखमा हुने अन्तर्राष्ट्रिय खुला क्योकुसिन कराँते च्याम्पियनसिपमा सहभागी हुन ८ खेलाडीसहित १२ सदस्यीय नेपाली टोली मंगलबार भारतको मुम्बई प्रस्थान गर्दै छ । 

प्रतियोगितामा ६ पुरुष र २ महिला खेलाडीले नेपालको चुनौती प्रस्तुत गर्नेछन् । पुरुष ५० केजीमा दीपेन्द्र क्षेत्री, ५५ केजीमा आङ निमा शेर्पा, ६० केजीमा हरि दनुवार, ६५ केजीमा विकास गुरुङ, खुलामा सनीसिंह सुनुवार तथा कातामा सुनील नगरकोटीले प्रतिस्पर्धा गर्नेछन् ।

महिला ५० केजीमा शान्ति थापा मगर तथा खुलामा मञ्जु विक सहभागी हुनेछन् ।