काठमाडौं– चलचित्र ‘दि ब्रेकअप’को ट्रेलर सार्वजनिक गरिएको छ ।

सोमबार राजधानीमा एक कार्यक्रमको आयोजना गर्दै निर्माण यूनिटले चलचित्रको ट्रेलर सार्वजनिक गरेको हो ।

ट्रेलरमा चलचित्रका मुख्य कलाकार आशिरमान देशराज जोशी र शिल्पा मास्केबीचको प्रेम, रोमान्स र बिछोडलाई देखाइएको छ । प्रेम जीवनमा आउने उदारचढावलाई ट्रेलरले प्रष्टाएको छ । ट्रेलर हेर्दा लोकशन, मेकिङ क्वालिटी आकर्षक लाग्छ । हेमराज वीसी निर्देशित चलचित्रमा आशिरमान, शिल्पाका अलवा रेमनदास श्रेष्ठ, सरोज खनाल, ईच्छा कार्की लगायतको मुख्य भूमिका छ ।

फागुण १७ गतेबाट प्रदर्शनमा आउने चलचित्रको कथा निर्देशक वीसीले नै तयार पारेका हुन् । 

चलचित्रमा रूपक थापा, दीपक खतिवडा, रेनु राना र निर्देशक वीसीको लगानी रहेको छ । नरेन्द्र मैनालीको छायाँकन रहेको चलचित्रमा सुरेन्द्र पौडेलको सम्पादन छ ।