काठमाडौं — जापानको टोक्यो मेट्रोले यात्रुहरूलाई बिहानैको यात्रातर्फ आकर्षित गर्नका लागि नौलो कोशिश थालेको छ । 

हरेक दिन लगभग ७२ हजार मानिस टोक्योको मेट्रो चढेर ओहरदोहर गर्छन् । केही लाइनहरूमा घन्टौंसम्म भीडभाड हुन्छ । सबभन्दा खराब स्थिति तोजई लाइनमा हुन्छ । त्यहाँ घन्टौंसम्म यात्रीहरू भीडमा फसिरहन्छन् । 

यात्रीले बिहानै भीड लाग्नुअघि मेट्रोको सवारी गरे हुन्थ्यो भन्ने मेट्रोको प्रयास हो । दुई हजार यात्रीले दुई हप्तासम्म बिहान सबेरै मेट्रो चढेमा उनीहरूलाई मेट्रोले टेम्पुरा सित्तैमा खान दिनेछ । 

अनि २५ सय मानिसले यो चुनौती स्वीकारेमा उनीहरूलाई सित्तैमा सोबा नामक जापानी खाना दिइनेछ । अनि तीन हजार मानिसले च्यालेन्ज पूरा गरेमा सोबा र टेम्पुराको मिश्रण खान दिइनेछ । 

यो अभियानमा लगभग एक हजार कम्पनीहरूले भाग लिइरहेका छन् । यी कम्पनीहरूले आफ्ना कर्मचारीलाई छिट्टै अफिस आउन र फर्किन अनुमति दिएका छन् । त्यति मात्र नभई यी कम्पनीहरूले कर्मचारीलाई घरैमा बसेर काम गर्ने सुविधा पनि दिएका छन् । 

एजेन्सी