काठमाडौं — क्राइमिया र रुसको बीचमा रहेको समुद्री इलाका कर्चमा दुई जहाजमा आगो लाग्दा ११ जनाको मृत्यु भएको छ । नौजना बेपत्ता छन् । 

बेपत्ताहरूलाई रुसी गोताखोरले खोजी गरिरहेका छन् । 

जहाजमा भारतीय र टर्किशहरू पनि थिए । 

जहाजमा तान्जानियाको झण्डा थियो । एक जहाजमा लिक्विफाइड नेचुरल ग्यास र अर्कोमा ट्यांकर थियो । ग्यास सार्ने बेलामा दुर्घटना भएको हो । 

रुसको समाचार संस्था तासका अनुसार, एउटा जहाज क्यान्डीमा चालक दलका १७ सदस्य थिए । तीमध्ये नौजना टर्कीका थिए र आठजना भारतीय मूलका थिए । 

अर्को जहाज मेस्ट्रोमा १५ क्रू मेम्बर थिए । तीमध्ये टर्की र भारतका सात सातजना अनि एकजना इन्टर्न लिबियाका थिए । 

इन्धन सार्ने क्रममा ठूलो विस्फोट भयो अनि दुवै जहाजमा आगो फैलियो । पैंतीसजना मानिस आफ्नो ज्यान बचाउनका लागि समुद्रमा हाम्फाले । तीमध्ये नौजना बेपत्ता छन् । 

रणनीतिक रूपमा कर्च स्ट्रेट रुस र युक्रेन दुवैका लागि महत्त्वपूर्ण छ । रुसबाट क्राइमिया जानका लागि यो मार्ग प्रयोग हुन्छ । रुसले कर्च स्ट्रेटमा एउटा पुल बनाएको छ । 

एजेन्सी