काठमाडौं- होम प्रोडक्शनको फिल्म ‘कान्छी’ प्रदर्शनमा आएको झण्डै एक वर्षपछि अभिनेत्री श्वेता खड्काले नयाँ फिल्ममा सम्झौता गरेकी छिन् ।

श्वेताले एभरेष्ट सूर्य बोहराले निर्देशन गर्ने फिल्म ‘हेल्लो जिन्दगी’मा काम गर्ने सम्झौता गरेकी हुन् । निर्देशक बोहराले यसअघि ‘भैरे’ निर्देशन गरेका थिए । फिल्ममा उनको साथमा सलोन बस्नेत, विल्सन विक्रम राई, विक्रम जोशी लगायतका कलाकार अनुबन्धित भइसकेको जनाईएको छ । त्यस्तै फिल्ममा बाल–कलाकारको रुपमा अनुभव रेग्मी पनि फाइनल छन् । आउँदो महिनाको मध्येबाट छायांकनमा जाने तयारीमा रहेको यो फिल्मलाई लण्डन र स्विजरल्याण्डमा खिचिने बताइएको छ ।

फिल्ममा सिर्जना जोशीको लगानी रहनेछ ।