फागुन २३, २०७५

दिल बहादुर थापा

उसको नाम बोगी हो । 


ADVERTISEMENT

अहिलेसम्म पनि गाउँघरतिर 

सबैले उसलाई बोगी भनेर  बोलाउछन् । 

ऊ बोगी सारजस्तै बोगी छे। 

अर्थात बोगी फूलजस्तै सेतो ।

हरेक वर्षको शरद ऋतुमा ऊ फुल्छे । 

हाँसीहुल्चो लुहुमतिर 

घ्याँसीदी डांडाको माथि माथि तिर 

मानौं ती डाँडाहरु आकास हुन् । 

बोगी फुल तारागंगा ।

हिजो बोगी फूल एउटा मौसममा मात्रा फुल्थी । 

मारुनी बाजेले गाउने ठाडोभाकासंगै । 

चिच्चो पुसैले  बजाउने मादलको झ्याउरे तालसंगै । 

पल्लोघरे रोदीघरको आँगनमा।

हर सांझ

आजभोलि समय फेरिएछ । 

बोगी फुल गाउँतिर फुलेको देख्दिन । 

रोदी घरमा सजिएको पनि देख्दिन ।

हिजो जसरी आजभोलि

परदेशिएका युवाहरुसंगै बोगी फुल

आजभोलि रमाइला सहरहरु भेटिन्छन् । 

देशका सहरहरुमा 

विदेशका सहरहरुमा

सहरमा आजभोलि 

पाटी तथा गैरपाटीहरुका ठूला-ठूला कार्यक्रमहरु हुन्छन् ।

ती कार्यक्रमहरुमा उनको खुब ठुलो डिमाण्ड हुन्छन् ।

उनको सेतो गालाको 

हेर्दा पनि मजा आउने यौवनको

नाँच्ने कलाको

हिजो रोदी घरको चारदिबारमा बसेर  

मेरा पूर्खाहरुले 

तिम्रो कलाको मुल्य कैले तोकेन 

तोक्न पनि सकेन 

तोक्न पनि चाहेन 

तर आज तोकिन्छ हर दिन । 

सहरको चोक चोकमा 

चोकको मदिरायुक्त कोठा कोठामा ।

तिम्रो नचाइमा एउटा जादु छ। 

झन रङ्गरोगन गरिदिएको छ 

स्टूडियोमा भरेका संगीतहरुले  

झुमेका छन् बोगी फुलमा श्रोताहरु 

प्रभावशाली नेताका भाषणमा भन्दा बढी 

त्यसैले त तिम्रा प्रस्तुतिहरु भाषणहरुपछि राखिन्छ ।

फागुन २३, २०७५ मा प्रकाशित

प्रतिक्रिया दिनुहोस