काठमाडौं मेडिकल कलेजमा इन्भेष्टमेण्ट बैंकको काउन्टर र एटीएम

फागुन २८, २०७५

काठमाडौं – नेपाल इन्भेष्टमेण्ट बैंक लिमिटेडले काठमाडौंको सिनामंगलस्थित काठमाडौं मेडिकल कलेज (केएमसी) मा आफ्नो ११ औं एक्स्टेन्सन काउन्टर र १११ औं एटीएम एकसाथ खोलेको छ । 

काउन्टर र एटीएमको बैंकका प्रमुख कार्यकारी अधिकृत ज्योतिप्रकाश पाण्डे र काठमाडौं मेडिकल कलेजका प्रमुख कार्यकारी अधिकृत प्रा.डा. दामोदरप्रसाद पोखरेलले संयुक्त रुपमा उद्घाटन गरे ।


ADVERTISEMENT

केएमसीमा जन्मने नवजात शिशुको खाता खोलिएमा निःशुल्क ५०० रुपैयाँ खातामा राखिदिने र खातामा बैंकले तोकेको न्यूनतम औसत मौज्दात जम्मा भएपछि जन्मदिनमा बैंकले केक उपहार दिने बताइएको छ । 

काउन्टरले रकम जम्मा गर्न र भुक्तानी गर्न सहयोग गर्नेछ । मासिक लगभग ३० हजार बिरामीको उपचार हुने केएमसीमा मेडिकल साइन्सका विभिन्न संकायमा हजारभन्दा बढी विद्यार्थी अध्ययनरत  छन् भने हजारकै हाराहारीमा डाक्टर तथा कर्मचारी कार्यरत छन् ।

विगत लामो समयदेखि आफ्नो सेवा प्रदान गरिरहेको केएमसीसँगको नाता मजबुत बनाउने र आर्थिक कारोबारमा सहजता प्रदान गर्ने उद्देश्यले बैंकले सेवा विस्तार गरेको छ । 

बैंकले अहिले ७८ वटा शाखा कार्यालय, १० वटा एक्सटेन्सन काउन्टर, ९ वटा राजस्व संकलन एक्सटेन्सन काउन्टर, ५१ वटा शाखारहित बैंकिङ सुविधा, १ सय ११ वटा एटिएम तथा ३ हजार ७ सय ८३ वटा पीओएस मेसिनबाट सेवा दिइरहेको छ । 

बैंक अफ द इयर ५ पटक प्राप्त गरिसकेको एनआईबीएलले उत्कृष्ट सेवा तथा व्यवसायमा गरेकोे अब्बल प्रदर्शनका कारण यूरोमनी नामक अन्तर्राष्ट्रिय पत्रिकाबाट यूरोमनी अवार्ड फर एक्सिलेन्स बेस्ट बैंक २०१८ अवार्ड प्राप्त गर्न सफल भएको छ भने यसैवर्ष इक्रा नेपालद्वारा प्रदान गरिँदै आएको क्रेडिट रेटिङमा ‘ए’बाट ‘ए प्लस’ ल्याई स्तरोनन्ति गरेको छ ।

फागुन २८, २०७५ मा प्रकाशित

प्रतिक्रिया दिनुहोस