काठमाडौं- बुधबार काठमाडौं उपत्यकासहित पहाडी जिल्ला तथा बिहीबार तराईका जिल्लाहरुमा रंगहरुको पर्व होली मनाइँदैछ ।

आत्मियता र सद्वावको प्रतिकको रुपमा मनाईने होली फिल्म ‘यात्राः अ म्युजिकल भ्लग’ यूनिटले भने मनाईसकेको छ । चैत्रको अन्तिम साता अर्थात् २९ गतेबाट प्रदर्शनमा आउने तयारीमा रहेको फिल्म यूनिटले एक आपसमा रंग लगाउँदै होली मनाएको हो । 

फिल्मका मुख्य पात्र सलिनमान बनियाँसंगै डेब्यू गर्ल मलिका महत, जान्हवी बस्नेत, प्रेक्षा बज्राचार्य, रेअर राई, विशाल सापकोटा, निर्देशक सम्राट शाक्य, प्रस्तुतकर्ता चिजकुमार श्रेष्ठ, निर्माता सुशील पोखरेल, प्रोडक्सन म्यानेजर मनोज जोशी, द्वन्द निर्देशक हिमाल केसी लगायतले होली मनाएका हुन् । होलीलाई प्रिः सेलिब्रेट गरेको फिल्म यूनिटले बुधबार विभिन्न स्थानमा पुगेर दर्शकसँग होलीलाई सेलिब्रेट गर्नेछ । गैरीधाराको रोयल एम्पायर होटेल, सिटी फ्ल्यास स्विमिङ पुल भक्तपुरसँगै नयाँ वानेश्वरमा आयोजना हुने रेडियो अडियो होली कार्यक्रम र विभिन्न मिडियाको आयोजना रहने होली कार्यक्रममा सहभागी हुने निर्देशक सम्राट शाक्यले बताए ।

फिल्ममा सलिनसँगै, सलोन बस्नेत, जान्वी बस्नेत, जय नन्द लामा, रेअर राई, प्रेक्षा बज्राचार्य, धिरेन शाक्य, राजाराम पौडेल, विशाल कटवाल, समृद्धि राई, योगेश जंग कुँवर, ईश्वर पौडेल, नानीकाजी डंगोल, राजेश बिसुराल, ईश्वर पौडेल, बिशाल पहाडी, प्रजोल भट्टराई, देशभक्त खनाल, कमल मैनाली, सौगात शर्मा लगायतको अभिनय छ । यसै फिल्ममार्फत मलिका महतले डेब्यु गर्दैछिन् भने यसमा विदेशी कलाकारहरु चाइनाका जुन झाङ र केन्याका बबीको पनि अभिनय रहनेछ । फिल्ममा बालकलाकारको रुपमा पछिल्लो समय युट्युबमा चर्चा रहेका अंकित संग्रौला र एन्जल राई रहेका छन् । 

केशव भट्टराईसँगै चिज कुमार श्रेष्ठ प्रस्तुतकर्ता रहेको फिल्ममा बिक्रम पराजुली, मुक्ति तिम्सिना र राम शरण घिमिरे सह–निर्माता रहेका छन् ।

फिल्मका निर्माता सुशील पोखरेल हुन् भने यसको कार्यकारी निर्मातामा सर्जुमान लिगल रहेका छन् । फिल्ममा निर्देशक सम्राटसंगै सुरेश न्यौपाने, प्रतिक पौडेल र शिशिर खातीको कथा रहेको छ । संजय लामाले खिचेको फिल्ममा प्रविन सिंहको कोरियोग्राफी, हिमाल केसीको द्वन्द्ध, बनिश शाहको सम्पादन छ । फिल्ममा वरिष्ठ संगीतकार शम्भुजित बास्कोटाकोसँगै प्रतिक पौडेल र कोविद बज्रको संगीत रहेको छ ।