असोज १९, २०८०
नेपालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...
चैत ५, २०७५
बुटवल – ५ नम्बर प्रदेशमा सञ्चालित क्रसर उद्योगहरूले प्रदेश सरकारले बनाएको नदीजन्य पदार्थ (संकलन र उपयोग) को कार्यविधि पालना नगरेको पाइएको छ ।
प्रदेशको सार्वजनिक लेखा समितिले अनुगमनका क्रममा अधिकांश क्रसर उद्योगले सरकारको मापदण्ड नमानी सञ्चालन गरेको भेटिएको हो ।
नदीजन्य पदार्थको अवैद्य उत्खनन् र तस्करी भएको भन्दै पटक–पटक सदनमा र समितिको बैठकमा कुरा उठेपछि लेखा समिति क्रसर उद्योग र नदीहरूको अनुगमनका लागि निस्केको छ । समितिले ३ वटा समूह बनाएर गएको फागुन २९ गतेदेखि बाँके, बर्दिया, दाङ, कपिलवस्तु, रूपन्देही र पश्चिम नवलपरासीमा अनुमगन गरिरहेको छ ।
समितिका सदस्य कल्पना पाण्डेले अधिकांश क्रसर उद्योगले प्रदेश सरकारले बनाएको मापदण्ड पूरा नगरी सञ्चालन भएको भेटिएको बताइन् ।
‘दाङमा ३२ वटा क्रसर उद्योगको अनुगमन गर्दा कुनैले पनि मापदण्ड पालना गरेको भेटिएन । कतिपय उद्योगले त पुरानो नीति पनि पालना गरेका छैनन्,’ उनले भनिन् । प्रदेश सरकारले गएको भदौ ३१ गते कार्यविधि बनाएर प्रदेश अन्तर्गत पर्ने सबै पालिकालाई पठाएको थियो । ती उद्योगहरू ६ महिनाभित्र नयाँ मापदण्डभित्र आएर उद्योग दर्ता गरी सञ्चालन गर्ने सरकारको निर्देशन थियो ।
नदीजन्य पदार्थ व्यवस्थापन कार्यविधि २०७५ अनुसार क्रसर उद्योग स्थानीय तहमा दर्ता हुनुपर्ने उल्लेख छ । नदीको बहाव क्षेत्रदेखि ५ सय मिटर टाढा उद्योग हुनुपर्ने उल्लेख छ । तर क्रसर तथा बालुवा उद्योग नदीकै किनारमा सञ्चालन रहेको पाइएको छ ।
अनुगमनका क्रममा राजमार्गदेखि ५ सय मिटरभित्रै र पुलको नजिकै समेत क्रसर सञ्चालन गर्न गरेको पाइएको छ । त्यसैगरी खोला, वन र स्कूलबाट झण्डै १ किलोमिटर टाढा हुनुपर्ने उद्योग वन खोला र स्कूल नजिकै सञ्चालन गरेको पाइएको हो ।
क्रसर उद्योगले राजस्व छलेको, भण्डारण क्षमता, ढुंगागिट्टी, बालुवाको परिमाण, ठेक्कापट्टा गर्दा पूर्व वातावरण प्रभाव मूल्यांकन (ईआईए आईईई) पनि नगरेको पनि फेला परेको पाण्डेले बताइन् । अधिकांश क्रसर उद्योगले थोरै बिक्री देखाएर राजस्व ठगी गर्ने गरेको पनि अनुगमनका क्रममा समितिले फेला पारेको छ । प्रदेशमा १ सय ५० भन्दा बढी क्रसर उद्योग सञ्चालनमा रहेका छन् ।
समितिका अर्का सदस्य गीता थापाले केही उद्योग प्रक्रियामा जाने तयारी गरेपनि अधिकाशले प्रक्रिया पूरा गर्ने चरणमा पनि नलागेको बताइन् । ‘१ हप्तामा सबै अनुुगमन गर्न सकिँदैन । बल्ल एउटा जिल्लाका उद्योग र नदीहरूको निरीक्षण गरियो । अझै १ हप्ताको समय चाहिन्छ,’ उनले भनिन् ।
समितिका सदस्य विष्णु पन्थीले तलदेखि माथिल्लो निकायसम्म सेटिङ मिलाएर उत्खनन्, चोरी, निकासी भइरहेको भेटिएको बताए । उनले नदीजन्य पदार्थ र क्रसर उद्योगमा ठूलो चलखेल हुने गरेको बताए ।
प्रदेश सरकारको नयाँ मापदण्डले समस्यामा परेको उद्योगीको गुुनासो छ । रोडा ढुुंगा व्यवसायी संघ ५ नम्बर प्रदेशका अध्यक्ष गोपाल ज्ञवालीले प्रदेश सरकारले ल्याएको नयाँ मापदण्ड पालना गर्नै नसकिने बताउँछन् । ‘सरकारले ल्याएको मापदण्ड पालन गर्न सकिँदैन । कि राज्यले सबै क्रसर उद्योगलाई जग्गा उपलब्ध गराउन सक्नुपर्यो, होइन भने यो मापदण्ड पूरा गर्न सक्दैनौं,’ अध्यक्ष ज्ञवालीले भने ।
‘अब नयाँ दर्ता भएका उद्योगहरू नयाँ ठाउँ खोजेर पूरा गरेपनि पुरानालाई यो कार्यविधि सम्भव छैन । यथास्थानमा नै चल्न दिनुपर्छ,’ उनले थपे ।
अनुगमनमा निस्केको टोलीले अबको ३ साताभित्रमा प्रतिवेदन समितिमा बुझाइने छ । पहिलो चरणमा तराईका ६ जिल्लामा अनुगमन गरेको समितिले दोस्रो चरणमा अन्य पहाडी जिल्लाका उद्योग र नदीहरूको अनुगमन र निरीक्षण गर्ने समितिका सभापति डिल्लीबहादुर चौधरीले बताए ।
चौधरीले समितिले अनुगनबाट ल्याएको प्रतिवेदनका आधारमा छलफल गरिने बताए । उनले थपे, ‘राजस्व चुहावट गरेका छन् भने हामीले कुनै पनि हालतमा छाड्दैनौं ।’ प्रदेशका विभिन्न नदीमा अवैध रूपमा नदीजन्य पदार्थ (बालुवा, ढुंगा र गिट्टी) उत्खनन् र चोरी निकासी बढेको छ । साना–ठूला नदीबाट अवैध रूपमा बालुवा गिट्टी संकलन तस्करी गरिँदा राज्यको लाखौं रूपैयाँ राजस्व समेत गुम्न पुगेको छ ।
अवैध रूपमा प्राकृतिक स्रोतको दोहन भइरहेपनि प्रदेश सरकार भने टुलुटुलु हेर्न बाध्य भएको छ । स्थानीय सरकार र प्रदेश सरकारको मुख्य आम्दानीको स्रोत भनेकै प्राकृतिक स्रोत हो । अधिकांश स्थानीय तहले नदीजन्य पदार्थको उत्खनन् र ठेक्का अझै लगाउन सकेका छैनन् । जसले गर्दा चोरी निकासी बढेको स्थानीय बताउँछन् ।
नेपालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
पश्चिम नवलपरासीका एमाले नेता थानप्रसाद गैरेले सरकारी विद्यालयको जग्गा बिक्री गरेको अख्तियार दुरुपयोग अनुसन्धान आयोगले लगाएको छ । उनले सरकारी जग्गा अतिक्रमण गरी बिक्री गरेको भन्दै अख्तियारले छानबिन गरी कारबाही ...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...