विराटनगर- महिला साफ च्याम्यियनसिप अन्तर्गत श्रीलंकालाई ४-० ले पराजित नेपाल फाइनलमा प्रवेश गरेको छ । बुधवार विराटनगरमा भएको सेमिफाइनल खेलमा नेपालको लागि पुनम जर्घामगरले ४२ औं मिनेटमा श्रीलङ्काविरुद्ध गोल गर्दै शुरूआती अग्रता दिलाएकी थिइन् । 

नेपालकाे तर्फबाट दाेश्राे गाेल अनिता बस्नेतले गरिन् । उनले खेलकाे ७३ औं मिनेटमा गोल गरेकी हुन् । नेपाल र श्रीलङ्काबीचको खेलको ८२ औं मिनेटमा साबित्रा भण्डारीले तेश्राे गाेल गर्दा रेखा पाैडेलले चौथो गोल गरिन् । उनले खेलको ८७ औं मिनेटमा गोल गरेकी हुन् ।

प्रतियाेगितामा नेपालले आक्रमक प्रदर्शन गर्दै आएको छ । यसअघि नेपालले बङ्गलादेशलाई हराएर सेमिफाइनल यात्रा तय गरेकाे थियाे । 

फाइनलमा नेपालले भारत र बंगलादेशको विजेतासँग खेल्नेछ ।