काठमाडौँ - नेपाल कम्युनिस्ट पार्टी (नेकपा)का अध्यक्ष पुष्पकमल दाहाल 'प्रचण्ड'लाई अमेरिकास्थित नेपाली दूतावासले स्वागत गरेको छ । प्रचण्डलाई वाशिङटनस्थित नेपाली दूतावासमा राजदूत अर्जुन कार्की र कर्मचारीले स्वागत तथा ब्रिफिङ  गरेका हुन् ।

प्रचण्ड पत्नी सीता दाहालको उपचारका लागि अमेरिका गएका हुन् । अमेरिकाको जोन हकिन्स् आउटप्यासेन्ट सेन्टरमा पत्नी दाहालको उपचार हुनेछ ।

श्रीमती दाहालको स्वास्थ्योपचारका लागि प्रचण्ड आइतवार अमेरिका प्रस्थान गरेका थिए । उनको साथमा स्वकीय सचिव तथा छोरी गंगा दाहालसमेत अमेरिका गएकी छन् ।