काठमाडौं - प्रधानमन्त्री केपी शर्मा ओली फिल्म हेर्न हलसम्म जाने भएका छन् । ओली आज (बुधवार) साँझ ६ बजे ‘क्याप्टेन’ फिल्म हेर्न सिटी सेन्टर जाने निर्माता भुवन केसीले दाबी गरे । 

लोकान्तरसँगको कुराकानीमा भुवनले भने– ‘आज प्रधानमन्त्री लगायत उच्चपदस्थ व्यक्तिहरूले फिल्म हेर्ने र होलीको शुभकामना आदानप्रदान गर्ने कार्यक्रम छ ।’

दिवाकर भट्टराई निर्देशित उक्त फिल्म तेस्रो सातामा प्रदर्शनरत छ । फिल्ममा भुवनकै छोरा अनमोल केसी प्रमुख भूमिकामा छन् ।

अनमोलका साथमा उपासना सिंह ठकुरी, प्रियंका एमभी, सुनिल थापा, प्रशान्त ताम्राकार, विल्सन विक्रम राई लगायतको अभिनय छ ।

फिल्मले फूटवल खेलाडीको कथा भन्छ ।