काठमाडौं – नेपालको अग्रणी इन्टरनेट र टीभी सेवा प्रदायक भायनेट कम्युनिकेसनले चैत्र ४ गतेका दिन आफ्नो नयाँ शाखा भैरहवामा सञ्चालन गरेको छ ।

नयाँ सडक, भैरहवामा अवस्थित १२ औं शाखालाई उद्योग वाणिज्य संघका अध्यक्ष कुलप्रसाद न्यौपानेले उद्घाटन गरेका थिए ।

विगत १९ वर्षदेखि भायनेटले विश्वसनीय र बजेट किफायती ब्रोड–ब्याण्ड सेवा प्रदान गर्दै आएको छ । सन् २०११ मा भायनेटले नेपालमा पहिलो पटक फाइबर अप्टिक्स सेवा अर्थात् एफटीटीएच इन्टरनेट सेवा सुचारु गरेको थियो ।

सन् २०१६ मा भायनेटले आफ्ना ग्राहकलाई उच्चस्तरीय टीभी सेवा प्रदान गर्नको निमित्त ८० भन्दा बढी एचडी च्यानलसहित २३० वटा च्यानल भएको एनईटीटीभीसँग साझेदारी गरेको थियो । 

आजको समयमा भायनेट सन्तुष्ट ग्राहक भएको र उत्कृष्ट सेवा प्रदान गर्ने इन्टरनेट प्रदायकको रुपमा चिनिन्छ । १५० भन्दा बढी कर्मचारी रहेको कल सेन्टरमार्फत भायनेटले ३६५ दिन नै २४ सैं घण्टा ग्राहकलाई सेवा प्रदान गर्दै आएको छ । सेवा प्रदान गर्ने उद्देश्य बोकेको भायनेटले ग्राहकको सहजताका लागि सेल्फ–सर्भिस क्लाइन्ट–कस्टुमर पोर्टल र कस्टुमर मोबाइल एप् प्रदान गर्दै आएको छ । यस अन्तर्गत ग्राहकले सजिलैसँग इन्टरनेट सेवाको प्रवद्र्धन, निगरानी र सर्पोट सेवा प्राप्त गर्न सक्नेछन् । 

हाल उपलब्ध भायनेटको योजनामार्फत वार्षिक ग्राहकले इन्टरनेटको प्लानमा १ वर्षको नेट टीभी र नेट टीभी सेट–टप–बक्स निःशुल्क प्राप्त गर्न सक्ने छन् । यसका साथै चैत्र मसान्तभित्र नयाँ शाखा भ्रमण गर्ने ग्राहकले आकर्षक छुट तथा अफर समेत प्राप्त गर्नसक्ने छन् ।