काठमाडौं- नेपालका लागि स्कोडा कारको आधिकारिक बिक्रेता स्कोडा एमएडब्लुले हालै स्कोडा कोडियाकको नयाँ र सबैभन्दा माथिल्लो भेरियन्ट लरिन एन्ड क्लेमेन्ट (एलएन्डके) एडिसन सार्वजनिक गरेको छ ।

स्कोडाको पहिलो फुल साइज एसयुभीका रूपमा स्कोडा कोडियाक केही महिनाअघि नेपालमा आएको थियो र अहिले यसले सेग्मेन्टलाई नै लिड गरिरहेको छ । ‘एलएन्डके’ भेरियन्टमा रहेको अतुलनीय डिजाइन र अभुतपुर्व फिचरहरुले स्कोडा कोडियाकलाई अझै माथि पुर्‍याउने अपेक्षा स्कोडा एमएडब्लुले गरेको छ । स्कोडा कोडियाक ‘एलएन्डके’ पाँच वटा कलरः ‘लाभा ब्लु’, ‘क्वार्ज ग्रे’, ‘मुन ह्वाइट’, ‘म्याजिक ब्ल्याक’ र ‘अल न्यु म्याग्नेटिक ब्राउन’मा उपलब्ध हुनेछ । नेपालमा कोडियाक ‘एलएन्डके’को मूल्य एक करोड ५८ लाख रुपैयाँ तोकिएको छ । 

कोडियाक एल एन्ड केको एक्सटेरियर डिजाइन र फिचरहरूले तत्काल ध्यान आकृष्ट गर्ने कम्पनीको दाबी छ । यसको फेसियामा विशेषखालको क्रोम ग्रिल रहेको छ र यसको स्वरूपलाई ‘आई ल्यास’ जस्तो देखिने एलईडी हेडलाइट र १८ (आर) त्रिनिटी एलोई ह्विलले विशेष बनाइदिएको छ । 

कोडियाकको सबैभन्दा विलासी भर्सन ‘एलएन्डके’मा धेरै ‘इनोभेटिभ’ फिचरहरू छन् । बडीको विभिन्न स्थानमा राखिएका चार वटा ‘वाइड एंगल’ क्यामेरामार्फत ३६० डिग्री ‘सराउन्ड एरिया भ्यु’ देखिन्छ ।

स्कोडा कोडियाकमा रहेका ‘सिम्प्ली क्लेभर’ फिचरहरूबाट स्कोडा सदा ‘मोर कार’ दिन तत्पर रहेको कुरालाई पुष्टि गर्ने कम्पनीको भनाइ छ । 

कोडियाक ‘एलएन्डके’मा ‘डिजिटल भ्वाइस इन्ह्यान्समेन्ट’ फिचर छ । यो प्रविधिले ककपिटमा रहेको माइक्रोफोनको सहयोगमा अगाडि र पछाडिका यात्रीहरूबीच सहज संवाद गर्न सहयोग गर्छ । 

स्कोडा कोडियाक ‘एलएन्डके’को सुन्दरतालाई यसको आकर्षक पर्फर्मेन्सले साथ दिएको छ । २.० टीडीआई (अल ह्विल ड्राइभ र अटोमेटिक) डिजेल इन्जिनले ११० किलोवाट (१५०पीएस) उर्जा र ३४० एनएम टर्क उत्पन्न गर्छ । 

इलेक्ट्रोनिक कन्ट्रोलसहितको अल ह्विल ड्राइभ सिस्टमले ‘ट्रयाक्सन, स्टाबिलिटी र सेफ्टी’लाई बेजोड बनाइदिन्छ । यसमा इलेक्ट्रिकल्ली कन्ट्रोल हुने ‘मल्टिप्लेट क्लच’समेत रहेको छ जसले कोडियाकको अफरोड क्षमतालाई बढाइदिन्छ ।