काठमाडौं – एनआईसी एसिया क्यापिटल लिमिटेडको ५५ औं सञ्चालक समितिको बैठकको निर्णय अनुसार एनआईसी एसिया क्यापिटल लिमिटेडको प्रमुख कार्यकारी अधिकृत पदमा रमेन्द्र रायमाझीलाई नियुक्त गरिएको छ । 

रायमाझीले विगत ११ वर्षभन्दा बढी राष्ट्रिय तथा अन्तर्राष्ट्रिय वित्तीय क्षेत्रको अनुभव हासिल गरेका छन् । विगतको कार्यसम्पादन तथा कार्यअनुभवबाट उनको कार्यकालमा, उनको नेतृत्वमा क्यापिटलको समग्र व्यवसायमा विस्तार हुनुका साथै क्यापिटलबाट प्रदान गरिने सम्पूर्ण सुविधामा उत्कृष्ट रहने विश्वास बैंकले लिएको छ ।

एनआईसी एसिया क्यापिटलले सेवाग्राहीको सहजतालाई शिरोपर गर्दै उच्चतम् प्रविधि तथा उत्कृष्ट जनशक्तिको सहायताबाट गुणस्तरीय सेवा प्रदान गर्दै आइरहेको छ ।