बारा– गत फागुन १० गते राति हत्या गरिएकी कपिलवस्तु, वाणगङ्गा नगरपालिका वडा नं ४ ठाकुरापुर निवासी अनिता पौडेलको हत्यामा संलग्न अभियुक्तलाई कपिलवस्तु प्रहरीले आज पक्राउ गरेको छ । 

प्रहरीले अभियुक्तलाई अनुसन्धान गर्दै जाँदा भारतबाट पक्राउ गरेको हो । हत्यामा संलग्नको नाम, थर र विस्तृत विवरण भने प्रहरीले खुलाएको छैन । 

    अहिले हिरासतमा रहेको र  शुक्रबार जिल्ला प्रहरी कार्यालयमा पत्रकार सम्मेलन गरी विवरण सार्वजनिक गरिने कपिलवस्तुका प्रहरी उपरीक्षक अच्युतमप्रसाद पुडासैनीले बताए ।  यसअघि प्रहरीले एक महिलासहित तीन जनालाई नियन्त्रणमा लिई अनुसन्धान जारी राखेको थियो । कपिलवस्तु प्रहरीले हत्याराको खोजी र तत्काल पक्राउ गर्न प्रहरी नायब उपरीक्षक रवि रावलको नेतृत्वमा प्रहरी टोली परिचालन गरिएको थियो । पौडेलको हत्या गोली लागी नभई धारिलो हतियार प्रहारबाट भएको थियो ।