काठमाडौं- मुक्तिनाथ विकास बैंकले आफ्ना ग्राहकलाई लक्षित गरी २०७६ वैशाख १ गतेदेखि लागू हुने गरी ३ नयाँ आकर्षक योजना ल्याएको छ ।

बैंकले भिजा डेबिट कार्ड र मोबाइल बैंकिङ सेवामा सुविधा थप गरेको छ । भिजा डेबिट कार्डअन्तर्गत बैंकले आफ्नो शाखाबाट इन्सट्यान्ट भिजा डेबिट कार्ड सेवा शुरू गरेको छ ।

यस सुविधाअन्तर्गत ग्राहकले भिजा डेबिट कार्डको निवेदन फाराम बुझाएको दिनमै भिजा डेबिट कार्ड लिन पाउनेछन् । त्यसैगरी मुक्तिनाथ भिजा डेबिट कार्ड बाहेक ग्राहकहरूले नेपालको जुनसुकै बैंकका एटीएम बाट बिना कुनै अतिरिक्त शुल्कमा रकम झिक्न मिल्ने सुविधा पनि बैंकले थप गरेको छ । साथै मुक्तिनाथ स्मार्ट बैंकिङ एपबाट नेपाल टेलिकमको नम्बरमा रिचार्ज गर्दा १०% तथा एनसेलमा रिचार्ज गर्दा ५% सम्मको टपअप बोनस सुविधा सञ्चालन गरेको छ । 

हाल बैंकले ११४ वटा शाखा तथा २२ वटा एटीएमबाट करीब छ लाख ग्राहकलाई बैकिङ सेवाहरू प्रदान गर्दै आएको छ ।