नयाँ वर्ष लागेपछि शेयर बजारमा सकारात्मक प्रभाव

बैशाख ७, २०७६

काठमाडौं- धितोपत्र बजारमा यस साता उत्साहको सञ्चार भयो । कारोबार मापक नेप्से परिसूचक ४३ दशमलव ५९ बिन्दुले वृद्धि भएको छ । वैशाख २ गतेदेखि बजार वृद्धि हुने क्रम शुरू भएको हो । 

सातामा चार दिन कारोबार भए । सोमवार बजार एक हजार १८८.७१ बिन्दुमा पुग्यो । नेपाल स्टक एक्सचेञ्जका अनुसार साताको अन्तिम दिन बजार बढेर एक हजार २३२.३० बिन्दुमा पुगेको छ । 


ADVERTISEMENT

बैंक र बीमा उपसमूहको शेयर वृद्धि हुँदा बजारमा सकारात्मक प्रभाव परेको छ । यस्तै नयाँ वर्ष लागे पनि शेयर बजारमा स्थायी लेखा नम्बर(प्यान) समेत लागू भएको छ । पाँच लाख रुपैयाँभन्दा बढीको शेयर कारोबारमा प्यान लागू हुने व्यवस्था गरिएको छ । 

स्टकका अनुसार यस साता बजारमा वाणिज्य बैंक समूहकै बोलवाला रह्यो । एनएमबी बैंक शीर्ष स्थानमा रहेको छ । यस्तै कुमारी बैंक, प्रभु बैंक, एनआईसी एशिया बैंक, नेपाल बैंक, सिभिल बैंक, एनसीसी बैंक, सिद्धार्थ बैंक, माछापुच्छ्रे बैंक र नेको इन्स्योरेन्स कम्पनीको सबैभन्दा बढी कारोबार भएको छ । 

स्टकका अनुसार बजार पूँजीकरणमा नेपाल दूरसञ्चार कम्पनी लिमिटेडपछि वाणिज्य बैंककै बोलावाल रहे । यस साता दुई कम्पनीको शेयर सूचीकृत भए । स्टकमा सिनर्जी फाइनान्स कम्पनीको तीन लाख ८० हजार ९३८ कित्ता हकप्रद शेयर र नेपाल इन्भेस्टमेन्ट बैंकको एक करोड ९४ लाख ४३ हजार ८२ कित्ता  शेयर लाभांश सूचीकृत भएका छन् । 

बैशाख ७, २०७६ मा प्रकाशित

प्रतिक्रिया दिनुहोस