बाइबल र पैसा बोकेर धर्म प्रचार गर्ने पक्राउ

बैशाख १०, २०७६

    दाङ–बाइबल र पैसा बोकेर गाउँशहरमा विभिन्न प्रलोभन देखाउँदै क्रिश्चियन धर्मको प्रचार गरेको अभियोगमा प्रहरीले आज घोराहीबाट दुई विदेशीसहित पाँच जनालाई पक्राउ गरेको छ । 
घोराही बजारस्थित होटेल डोकोबाट अमेरिकी नागरिक  सिनक्वान्टा ओलिएना मे, भारतीय नागरिक गौरव श्रीवास्तव, क्रिश्चियन समाजका महासचिव डिल्लीराम पौडेल, सङ्खुवासभाका कुन्साङ तामाङ र गाडी चालक नेपालगञ्जका प्रमोद काफ्ले पक्राउ परेका हुन् । 
उनीहरुका साथबाट बा१३प ३१९६ स्कार्पियो गाडी, बाइबल, रकम राखिएका खाम, दमको उपचारका क्रममा बाफ दिने मेसिन, ल्यापटप, पेनड्राइभलगायत सामग्री बरामद गरिएको जिल्ला प्रहरी कार्यालयका सूचना अधिकृत विक्रम शाहले जानकारी दिए । 

    पक्राउ परेकामध्ये तीन नेपाली र एक भारतीयलाई मुलुकी अपराध संहिता ऐनको दफा १५८ विपरीत धर्म परिवर्तन गराएको अभियोगमा मुद्दा चलाएको उनले बताए । 
 अमेरिकी महिलाको राहदानी रद्द गरी सम्बन्धित देशमा फिर्ता पठाउन अध्यागमन कार्यालय काठमाडौँलाई चिठ्ठी लेखेको उनले जानकारी दिए । 
 गाउँमा धर्म प्रचार गर्ने र मानिसलाई आर्थिक तथा उपचारको प्रलोभन देखाई धर्म परिवर्तन गराउने गरेको पाइएपछि उनीहरुलाई पक्राउ गरिएकोहो । केही दिनअघि दुई जापानी महिलालाई पनि धर्म प्रचारमा हिँडेको भन्दै प्रहरीले पक्राउ गरेको थियो । 
 


ADVERTISEMENT

बैशाख १०, २०७६ मा प्रकाशित

प्रतिक्रिया दिनुहोस