कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
काठमाडौं -जिल्ला कमिटी एकीकरणपछि नेपाल कम्युनिस्ट पार्टी (नेकपा)मा पोलिटब्यूरो गठन गर्ने मुद्दाले तीव्र रूपमा बहसको स्थान पाएको छ । प्रदेश कमिटीका सबै पदाधिकारीहरू पोलिटब्यूरोमा ल्याउने तयारी भएपनि केही सचिवहरूको नाम सूचीमा अट्न नसक्ने देखिएपछि पोलिटब्यूरो गठनमा पनि तीव्र विवाद हुने देखिएको हो ।
स्रोतका अनुसार पूर्वएमालेबाट ८१ र माओवादीबाट ६६ जना सदस्य राखेर १४७ सदस्यीय पोलिटब्यूरो गठन गर्ने तयारी छ । सूची पनि तयार भइसकेको छ, तर प्रदेशका केही पदाधिकारी वरिष्ठताको आधारमा मापदण्डमा नपर्ने देखिएका छन् । सात प्रदेशका २८ पदाधिकारीमध्ये ४ जना पोलिटब्यूरो गठनको मापदण्डमा परेका छैनन् ।
तत्कालीन एमालेमा पोलिटब्यूरो सदस्यको संख्या ५० र वैकल्पिक पोलिटब्यूरो सदस्य संख्या १५ थियो । ८१ जना तत्कालीन एमालेबाट पोलिटब्यूरो बन्ने भएपछि ६५ जना स्वतः पर्ने हुनाले थप १६ जना आवश्यक पर्छ । यी मध्ये वरिष्ठताका आधारमा छान्नुपर्नेछ । पार्टी प्रवक्ता नारायणकाजी श्रेष्ठले दुवै समूहबाट साविक पोलिटब्यूरोमा रहेका बाहेक वारिष्ठता र योगदान हेरेर चयन गर्ने मापदण्डमा सहमति जुटिसकेको बताए ।
पूर्व माओवादीमा तत्कालीन पार्टी सचिवालयमा ९९ जना सदस्य थिए । पोलिटब्यूरोका लागि तिनैमध्येबाट सदस्य छनोट गर्नुपर्ने हुन्छ । १९ जना स्थायी कमिटीमा परिसकेकाले पोलिटब्यूरोका लागि अब चाहिने थप ४७ जनाको नामावली तयार गर्दा धेरै जनाले असन्तुष्टि जनाउने सम्भावना रहेको छ । पोलिटब्यूरो गठनका लागि तयार पारिएको सूची अहिलेसम्म बाहिरिएको छैन ।
पोलिटब्यूरोको सूचीमा प्रदेश नम्बर २ का सचिव सुमन प्याकुरेल, प्रदेश नम्बर ३ का सचिव आनन्दप्रसाद पोखरेल, प्रदेश नम्बर ५ का सचिव गोविन्द नेपाली र सुदूरपश्चिमका सचिव नेपप्रसाद चौधरी नरहेको समाचार आएपछि प्रदेश सचिवहरू असन्तुष्ट देखिन्छन् ।
नम्बर ३ का सचिव आनन्द पोखरेलले आफूले आधिकारिक जानकारी नपाएसम्म केही नबोल्ने बताए ।
आइतवार बिहान लोकान्तरसँग कुरा गर्दै पोखरेलले भने, 'मैले पनि यो कुरा सञ्चारमाध्यमबाट थाहा पाएको हुँ । आधिकारिक रूपमा कहीँ कतैबाट आएको छैन । तर ३० सालदेखिको राजनीतिमा मैले धेरै योगदान गरेको छु । पूर्वमन्त्री पनि भएको मान्छे हुँ । आशा गर्छु, नेतृत्वले पोलिटब्यूरोको सूची तयार गर्दा पार्टीका लागि गरेको योगदान, वरिष्ठता र अन्य कुराहरूमा पनि ध्यान देओस् ।'
तर पूर्वमाओवादी समूहबाट प्रदेश सचिव बनेका जगप्रसाद शर्मा, सुरेश राई र मायाप्रसाद शर्मा पोलिटब्यूरो सदस्य बन्ने सूचीमा रहेका छन् । त्यही कारणले पनि पूर्व एमाले समूहबाट प्रदेश सचिव बनेका प्रदेश २, ३, ५ र सुदूरपश्चिमका प्रदेश सचिवलाई समेट्नुपर्ने दबाबमा पार्टी नेतृत्व देखिन्छ ।
वरिष्ठ नेता माधवकुमार नेपाल चीनबाट फर्केपछि सचिवालय बैठक बसेर पोलिटब्यूरो टुंगो लगाइने एक सचिवालय सदस्यले बताए ।
'माधव कमरेड चीनबाट फर्केलगत्तै पोलिटब्यूरो गठनको प्रक्रिया शुरू हुनेछ,' उनले भने, 'सम्भवतः सोमवार या मंगलवारसम्म सचिवालयको बैठक बस्नेछ । सबैलाई न्याय हुने गरी वरिष्ठताका आधारमा पोलिटब्यूरो चयन गर्न हामी सबै सहमत छौं । एकाध असन्तुष्टि देखिन सक्छन्, तर ढिलो भइरहेको पार्टीको एकताप्रक्रियालाई छिटो टुंग्याउनु पनि हाम्रो प्रमुख दायित्व हो ।'
प्रदेशका सचिवहरू पोलिटब्यूरोको सूचीमा नपरेको बारे उनले केही बताउन चाहेनन् । आधिकारिक रूपमा पार्टीले निर्णय नगरेको विषयमा केही बोल्न नमिल्ने उनको प्रतिक्रिया छ ।
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...