रहेनन् चर्चित संगीतकार बिजु बज्र

बैशाख १५, २०७६

काठमाडौं- चर्चित संगीतकार बिजु बज्रको निधन भएको छ । परिवारसहित काठमाडौंमा बस्दै आएका बज्रको उपचारका क्रममा आइतवार दिउँसो सिभिल हस्पिटलमा निधन भएको पारिवारिक स्रोतलाई उद््धृत गर्दै गुल्मेली कलाकार संघका कोषाध्यक्ष सन्तोष केसीले जानकारी दिए ।

बिजु वि.स. २०२८ सालमा गुल्मीको वामी टक्सारमा जन्मिएका हुन् । 


ADVERTISEMENT

उनि २०४९ सालमा रेडियो नेपालमा स्वर परीक्षा पास गरेपछि व्यवसायिक रुपमा संगीत क्षेत्रमा लागेका थिए । 

लामो समयदेखि मुटु रोगी उनी आइतवार बिहान घरबाट बाहिर निस्कने क्रममा अचानक ढलेका थिए । परिवारका सदस्यले बिजुलाई हस्पिटल पुर्याएका थिए । उनको निधनमा गुल्मेली कलाकारहरुले एउटा अभिभावक गुमाएको गायक रामचन्द्र चन्द बताउँछन् । 

बिजुले संगीत भरेका धेरै गीत लोकप्रिय छन् । सुगम पोखरेलको स्वरमा रहेको ‘तिमी म भन्दा कोसौँ टाढा छौ’, कर्णदासको स्वरमा रहेको ‘बिस्तारै छायो आँखामा अँध्यारो’ आगन्तुक खरेलको स्वरमा रहेको ‘कुन रङको कमी थियो र सानु’, रेष्मा सुनुवारको स्वरमा रहेको ‘मै ठुली भइछु रे’, फत्तेमान राजभण्डारीको स्वरमा रहेको ‘झरी परिरह्यो मनमा थामिदैन आँसु’ लगायतका गीतहरु उनका बहुचर्चित गीत मानिन्छन् । स्वर्गीय बज्रका श्रीमती, दुई छोरा र एक छोरी छन् ।

बैशाख १५, २०७६ मा प्रकाशित

प्रतिक्रिया दिनुहोस

ताजा समाचार