पुस १८, २०८०
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
काठमाडौं – नेपाल कम्युनिस्ट पार्टी (नेकपा) को एकता प्रक्रिया नटुंगिँदै गुट–उपगुटको अभ्यास शुरू भएको छ ।
तत्कालीन माओवादी केन्द्र र एमाले मिलेर बनेको नेकपामा वर्षदिन बित्नै लाग्दा पनि पोलिटब्यूरो, जनवर्गीय संगठन र विभागबीच एकता हुन सकेका छैन ।
गत जेठ ३ केन्द्रीय कमिटी एकता भएको थियो । ३ महिनाभित्र सम्पूर्ण एकता प्रक्रिया सम्पन्न गर्ने प्रतिवद्धताका साथ भएको एकताले वर्षदिन नाघिसक्यो । पार्टी एकता त हालसम्म भएको छैन, बरू पार्टीभित्र गुट–उपगुटको अभ्यास हुन थालिसकेको छ ।
निर्वाचनताका स्थायी सरकार, समाजवादउन्मुख अर्थतन्त्रसँगै पानीजहाज र रेलका कुराले जनतामा ठूलो प्रभाव परेको थियो । तत्कालीन गठबन्धनले प्रचण्ड बहुमत ल्यायो । तर दुईतिहाइ सरकार सञ्चालनको डेढ वर्ष पूरा हुन लाग्दा पनि जनताका आधारभूत समस्या ज्यूँका त्यूँ देखिन्छन् ।
पार्टीका नेताले समाजवादका ठूला–ठूला कुरा गर्न भने छाडेका छैनन् । तत्कालीन एमाले र माओवादी केन्द्रबीच पार्टी एकताको पूर्वसन्ध्यामा झापाको बिर्तामोडमा ‘अबको समाजवाद’ विषयक संवाद कार्यक्रममा बोल्दै नेताहरूले समाज गतिशील बन्दै गएको निष्कर्ष निकाले । गतिशील समाजमा समाजवाद ल्याउन नयाँ चुनौती थपिएको भनेर परराष्ट्रमन्त्री प्रदीप ज्ञवालीले बताए । हिजोका धारणाले अबका प्रश्नको उत्तर नपाइने ज्ञवालीको ‘समाजवादी’ धारणा थियो ।
सोही बहसमा हालका पार्टी प्रवक्ता नारायणकाजी श्रेष्ठले जोडदार रूपमा समाजवादको बहस चलाउनुपर्ने धारणा राखे । समाजवादको बहस घनिभूत नभइ समाजवादतर्फ पुग्ने रणनीतिक लक्ष्य पूरा हुन नसक्ने श्रेष्ठको भनाइ थियो । पार्टी एकताको पूर्वसन्ध्यामा दुवै दलका नेताहरू यसरी एकजुट भएर एकअर्काको विचारको तह बुझ्न खोजेका पनि हुन सक्छन् ।
ती तिनै नारायणकाजी श्रेष्ठ हुन्, जो पार्टीभित्र आफ्नो गुटको प्रभाव बढाउन अभ्यासरत छन् । जिल्ला कमिटीको नेतृत्वमा आफ्नो प्रभाव एकदमै कम भइसकेपछि पोलिटब्यूरोमा कम्तिमा आधा दर्जन आफ्ना गुटका नेता छिराउने प्रयास गरिरहेका छन् ।
पार्टीमा हरबखत ‘कम्युनिस्ट’ नाम झुण्डिएको हुने भएपनि नेपालमा यस्ता बहस विरलै हुने गर्दछन् । कम्युनिस्टले सोच्ने, खाने, हिँड्ने, बोल्ने, पढ्ने तरिका अरूको भन्दा भिन्न हुन्छ अर्थात क्रान्तिकारी हुन्छ भन्ने मान्यता छ । कम्युनिस्टहरूले आफूलाई सर्वहारा वर्गको अग्रदस्ता मान्छन् । विचारको हतियारलाई प्रयोग गरेर भीषण वर्गसंघर्ष जित्न सकिन्छ भन्ने मान्यता कम्युनिस्टको रहेको हुन्छ ।
पार्टीभित्र आफ्ना गुटका नेता व्यवस्थापन गर्न वरिष्ठ नेता माधवकुमार नेता अब्बल मानिन्छन् । नेता नेपालले जिल्ला कमिटी नेतृत्वमा आफ्ना मान्छेहरू नपर्ने भएपछि छुट्टै नामावली तयार गरेर समानान्तर कमिटी गठन गर्ने धम्की दिए । नेता नेपालको धम्कीले डराएका अध्यक्षद्वय प्रचण्ड र ओलीले बालुवाटारमा बोलाएर ‘डाडु पन्यू’ नै हस्तान्तरण गरेपछि नेता नेपाल खुशी भए । त्यसपछि केको मापदण्ड ? एकता हुनुभन्दा अगाडिकै नेतृत्वलाई जिल्लाको नेतृत्व दिने सहमति भयो ।
नयाँ र वैज्ञानिक मापदण्ड भनिएपनि पुरानै मिलेर चलाउ भन्ने खालको प्रक्रिया लागू भएपछि नेकपा नेतृत्वमा नेता नेपालले ओलीगुट बराबरकै शक्ति आफ्नो हातमा पारे । पूर्वएमालेबाट अध्यक्ष बनेका ४४ जनामध्ये ओलीनिकट २८ र नेपालनिकट १६ जना छन् । सचिव बन्नेमा भने ओलीनिकट ११ र नेपालनिकट २२ जना छन् ।
पूर्व एमाले खेमामा नेता नेपालले छुट्टै गुटको अभ्यास गरिरहँदा पार्टीका अध्यक्ष प्रचण्ड भने शक्तिशाली देखिएका छन् । जिल्ला कमिटी नेतृत्वमा ओली र नेपाल गुटको भन्दा बढी प्रचण्ड गुटका नेताहरू बढी छन् । यसले महाधिवेशनमा प्रचण्डलाई फाइदा गर्नेछ ।
एकता प्रक्रियाको महत्त्वपूर्ण कोशेढुंगा मानिएको पोलिटब्युरो गठनमा पनि नेकपा विभाजित छ । शीर्ष नेताले आफ्ना गुटका नेता नपर्ने अवस्थासम्म मात्र ‘मापदण्ड’ नमिलेको भन्दै असन्तुष्टि जनाउने गर्छन् । यद्यपि नेकपा स्रोतका अनुसार कम्तिमा २ पटक केन्द्रीय सदस्य भइसकेकामध्येबाट पोलिटब्यूरो सदस्य चयन गर्ने तयारी छ ।
पोलिब्यूरो गठनमा मापदण्ड तय भएको बताइएको छ तर ओली समूहबाट ३८, प्रचण्ड समूहबाट ४९, माधवकुमार नेपाल समूहबाट ३६, रामबहादुर थापा समूहबाट १०, वामदेव गौतम समूहबाट ७ र नारायणकाजी श्रेष्ठ समूहबाट ७ जना पर्ने व्यवस्था मिलाइएको छ । बाहुन क्षेत्रीको हकमा ३ र महिला, दलित, जनजाति र मधेसीको हकमा २ कार्यकाल केन्द्रीय सदस्य हुनुपर्ने मापदण्ड लागू गर्ने सहमति शीर्ष नेताहरूले गरेका छन् ।
बढीभन्दा बढी आफ्नो गुटका नेतालाई हरेक कमिटीमा घुसाउन प्रयास गर्नेले नै सबभन्दा बढी मापदण्डको कुरा निकालेर ‘रोइलो’ गर्ने गरेका छन् नेकपाभित्र । जनताले मतमार्फत २ ठूला कम्युनिस्ट पार्टीको एकीकरणलाई अनुमोदन गरेकै हुन् । तर एसियाकै ठूलो मध्येमा पर्ने नेपालको सत्तारुढ कम्युनिस्ट पार्टी पूर्णरूपमा एकीकृत नहुँदै गुटउपगुटको दलदलमा फस्ने संकेत गरेको छ ।
गत पुसमा सम्पन्न स्थायी कमिटी बैठकमा अधिकांश स्थायी कमिटी सदस्यले सचिवालयका नेतामध्ये पनि महासचिव र अध्यक्षद्वय बढी निरंकुश बनेको आरोप लगाएका थिए । ‘जिल्ला कमिटीको नेतृत्व र पोलिटब्यूरो गठनमा सचिवालयका अधिकांश नेताले आफ्ना गुटका नेता पार्न खोज्नु भनेको गुटबन्दीको चरम अभ्यास हो,’ एक स्थायी कमिटी सदस्यले भने, ‘यसरी पार्टी पनि चल्दैन र सरकारले पनि राम्रो काम गर्न सक्दैन । एकीकृत पार्टी हुन नपाउँदै नेताहरू गुटबन्दीमा लाग्न शुरू गरिसकेको देखिन्छ ।’
पार्टीभित्र देखिएको चरम गुटबन्दीमा प्रचण्ड सतहमा देखिने गरेका छैनन् तर हरेक विधि र मापदण्डमा प्रचण्डले आफूलाई शक्तिशाली बनाउँदै लागिरहेका छन् । प्रधानमन्त्री समेत रहेका अर्का अध्यक्ष ओलीलाई तत्कालीन पार्टी एमालेभित्रैका गुटहरूको अहिले व्यवस्थापन गर्नुपरेको छ । यसकारण ओली प्रचण्डभन्दा कम शक्तिशाली देखिएका छन् । वरिष्ठ नेता नेपाल पनि आफूलाई प्रचण्ड र ओलीकै बराबरीमा उभ्याउन खोजिरहेका छन् ।
‘कम्युनिस्ट पार्टीमा विचारको संघर्ष हुनु आम कुरा हो,’ एक स्थायी कमिटी सदस्यले भने, ‘तर अहिले विचारको संघर्ष भएकै छैन । अहिले त पदका लागि संघर्ष भइरहेको छ । हरेकले आफूलाई पदका लागि दाबी गरिरहेको छ र आफू निकटको शीर्ष नेतालाई दबाब दिइरहेको छ ।'
केही दिनअघि ३ नम्बर प्रदेश सचिव आनन्द पोखरेलले आफूलाई पोलिटब्यूरोमा पार्न नखोजिएकोमा आपत्ति जनाएका थिए । अन्य ३ वटा प्रदेशका सचिव पनि आफूले पोलिटब्यूरो पाउनुपर्ने दाबी गर्दै दबाब सिर्जना गरिरहेका छन् ।
नेकपाभित्र गुट–उपगुटको अभ्यास सिर्जना भएको छ । एउटा प्रश्न सतहमा उब्जेको छ – गुटको अभ्यासले ल्याउने समाजवाद कस्तो होला ? यसको उत्तर पत्ता लगाउने जिम्मा नेकपाको भविष्यलाई नै दिँदा उचित होला ।
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...