काठमाडौं- डेनिस ब्राण्ड टुबोर्गले आफ्नो सफल सांगीतिक अभियान टुबोर्ग ओपन फेरि शुरू गर्ने घोषणा गरेको छ । यस वर्ष भने ग्रामी अवार्ड विजेता ‘क्लिन व्यान्डिट’ र ‘नितेश जंग कुंवर’ले नयाँ ट्रयाकको लागि सांगीतिक सहकार्य गर्नेछन् ।

‘क्लिन ब्यान्डिट’ मा ग्रेस च्याटो र दाजुभाई ल्युक र ज्याक प्याटेरसन रहेका छन् । डेमी लोभाटो र सिन पलजस्ता कलाकारहरूसँग निकै लोकप्रिय रहेको ‘सोलो’ र ‘रकबाई’ गीतमा काम गरिसकेका क्लिन ब्यान्डिटले विश्वभर आफ्ना गीतहरूको ४ करोड भन्दा बढी कपीहरू बिक्री गर्न सफल रहेका छन् भने नितेश जंग कुँवरको युट्युबमा ४ लाख पचासी हजार सब्सक्राइबर्सको साथमा उनको गीतहरू निकै लोकप्रिय रहेका छन् ।

टुबोर्ग ओपनले संगीतको माध्यमबाट मानिसहरूलाई नयाँ शैली र अनुभवहरूको लागि खुल्ला (स्टे ओपन) रहन प्रेरणा गर्छ । यस वर्ष टुबोर्ग ओपनले क्लिन ब्यान्डिटलाई विश्वभरका
विभिन्न सांगीतिक शैलीका कलाकारहरूसँग सहकार्य गराई क्लिन ब्यान्डिट र उनीहरूको प्रशंसकहरूलाई नयाँ अनुभव र प्रेरणा लिन निमन्त्रणा गरेको छ । क्लिन ब्यान्डिटलाई क्लासिकल, पप र इलेक्ट्रोजस्ता विभिन्न सांगीतिक शैली मिलाई प्रस्तुति दिने सांगीतिक समूहको रूपमा चिनिन्छ । 

२०१९ मा टुबोर्गको साथमा क्लिन ब्यान्डिटले चीन, भारत, नेपाल, रसिया र भियतनाममा त्यहाँका स्थानीय कलाकासँग मिलेर सांगीतिक सहकार्य गर्नेछन् ।

उनीहरूको भ्रमणमा उनीहरूले आफ्ना दर्शकसँग भेट्ने र स्थानीय कलाकारसँग कोल्याबोरेसन ट्रयाकको लागि काम गर्नेछन् । स्थानीय कलाकारहरूले शुरू गरेको ट्र्याकमा क्लिन ब्यान्डिटले आफ्नो रचना र शैली झल्काउँदै पूर्ण बनाउनेछन् ।

युकेन, सरबिया र बोस्नियामा भने त्यहाँका स्थानीय कलाकारहरूले क्लिन ब्यान्डिटको कुनै ट्र्याक आफ्नो शैलीमा प्रस्तुत गर्नेछन् । सबै ट्र्याकहरूको ग्लोबल प्लेलिस्ट बनाई विश्वभरका डिजिटल स्ट्रिमिङ प्लाटफर्महरूमा राखिनेछन् ।

अभियानको शुरूआतमा ग्रेस च्याटोले भनिन्, 'टुबोर्ग ओपनको साथमा यी पाँच राष्ट्रहरूमा कलाकार र दर्शकहरूसँग भेट्न हामी निकै उत्साहित छौं । नयाँ ठाउँहरू घुम्न र नयाँ संस्कृतिहरूबारे बुझ्न हामी सधैं उत्सुक हुन्छौं ।'

ज्याक प्याटेरसन्ले थपे, 'संगीतकार र चलचित्र निर्माता भएको नाताले हामीले सधैं विभिन्न शैली र संस्कृतिहरूबाट प्रेरणा लिएका छौं । नयाँ संस्कृतिमा भिज्नु, त्यहाँका स्थानीय कलाकारहरूसँग सहकार्य गर्न पाउनु हामी कलाकारहरूको लागि निकै सुनौलो अवसर हो ।'

नयाँ कलाकारहरूसँग सहकार्य गर्ने अवसरबारे ल्युक प्याटेरसनले भने, 'कलाकारको लागि नयाँ शैलीमा संगीत बनाउने तरिकाको लागि खुला रहनु निकै आवश्यक छ । नयाँ कामहरू गर्ने चाहना नै सांगीतिक सहकार्यको मुख्य तत्व हो र क्लिन ब्यान्डिट ब्याण्ड शुरू गरेदेखि नै हामीले यही गर्न खोजेका छौं । यस अभियान मार्फत हामीले विश्वभरका कलाकारहरूसँग काम गर्न पाउँदा र निकै प्रतिभाशाली संगीतकारहरूसँग नयाँ अनुभवहरू बटुल्न पाउने हुँदा निकै उत्सुक छौं ।'

नेपाल, चीन, भारत, भियतनाम र रसियाको भ्रमणहरू खिचेर टुबोर्गको डिजिटल च्यानलहरूमा यही वैशाखबाट राखिनेछ जहाँ विश्वभरका दर्शकहरुले क्लिन ब्यान्डिटको भ्रमण र अनुभवहरू हेर्न पाउनेछन् ।

टुबोर्गका अन्तर्राष्ट्रिय मार्केटिङ म्यानेजर मिलान शाह भन्छन्, 'टुबोर्ग ओपनले विश्वभर हामीले आशा गरेको भन्दा धेरै ठूलो र सकारात्मक छाप पार्न सफल भएको छ । हामीले
अहिलेसम्म विभिन्न संस्कृति र सांगीतिक शैलीहरू मिलाइ २० वटा कोल्याबोरेटिभ ट्र्याकहरू तयार गरेका छौं । हाम्रा ५ मुख्य बजारहरूमा क्लिन ब्यान्डिटलाई लगेर ती देशहरूको अनुभव दिलाउन हामी उत्सुक छौं । विभिन्न सांगीतिक शैलीहरु मिलाई रचना गर्नुमा क्लिन ब्यान्डिटको राम्रो इतिहास रहेको छ । त्यसैले उनीहरूलाई विभिन्न संस्कृति र शैलीका
कलाकारहरूसँग सहकार्य गर्ने मौका दिन पाउँदा निकै खुसी छौं ।'

गोर्खा ब्रुअरी प्रालिका मार्केटिङ डाइरेक्टर बैभब शर्मा भन्छन्, 'टुबोर्गको संगीतसँग लामो र गौरवशाली सम्बन्ध रहेको छ । जसले नयाँ शैली र कलाकारहरूलाई नयाँ बजारमा
चिनाउन सहयोग गर्छ । यस वर्षको टुबोर्ग ओपन अभियान मार्फत हामी फेरि एक पटक विश्वभरका मानिसहरूलाई ‘ओपन टु मोर’ हुन प्रोत्साहन गर्दैछौं । हाम्रो स्थानीय कलाकार
नितेश जंग कुँवरसँग क्लिन ब्यान्डिटको सांगीतिक सहकार्यको घोषणा गर्न पाउँदा उत्साहित भएका छौं ।'